Read TAITA BIBLE – Biblia Ilagho Jiboie Kwa Wandu Wose ZABURI 26 Bible Online

ZABURI 26 - TAITA BIBLE – Biblia Ilagho Jiboie Kwa Wandu Wose bible

ZABURI 26

¹Kunitale kukaia nisewadie ikosa, ee BWANA, angu naghendie na irangi jiboie; neekurumiria putu.

²Kunipime na kunitima ee BWANA, kuwone ngolo yapo na akili rapo.

³Naawuyaghenjwa ni lukundo lwako lukatie, nani naawuyaghenda kwa wuloli ghwako.

⁴Sikanyagha na wandu wa tee, hata sinughanagha na waji-kuwi.

⁵Nadazamilwa ni kiborori cha wabonyi kiwiwi, hata sichaaseanya kidombo na wawiwi.

⁶Naogha vala vapo kuwonyera siwadie ikosa, nipate kuendatasa madhabahunyi kwako, ee BWANA.

⁷Nabora lumbo lofunya chawucha, na kughora malagho gha mabonyo ghako ghose gha mashiniko.

⁸Naikunda iyo nyumba kukaiagha ee BWANA, na andu wubaa ghwako ghukaiagha.

⁹Kusakeniinja noko chiaimweri na wakaung'a, hata kuniranganya na wabwaghi;

¹⁰wandu wiko na njama rebonya kiwiwi, nawo wakunda kutuwa nandighi.

¹¹Ela ini nadabonya agho ghiko mecha; kuniwonie wughoma na kunikombua.

¹²Nakaia kimusi andu kwa banana, nichamkasa BWANA andenyi ya ikwanyiko ibaa.