Read TAITA BIBLE – Biblia Ilagho Jiboie Kwa Wandu Wose ZABURI 27 Bible Online

ZABURI 27 - TAITA BIBLE – Biblia Ilagho Jiboie Kwa Wandu Wose bible

ZABURI 27

¹BWANA nuo mwengere ghwapo na kukia kwapo, nani nichaamuobua? BWANA ni ngome imange ya irangi japo, nani uchaanikumba wowa?

²Wabonyi kiwiwi wikaningiria na kukunda kunibwagha, wichakuwa na kughwa.

³Wamaiza wapo wikanimara chia rose na kukunda kulwa nani, sichaaobua; hata wuda ghukeduabuka aighu yapo, nichakaia nimange.

⁴Nalombie ilagho jimweri tu kwa BWANA, najo nijo jeni nijilolagha; ja ini kukaia nyumbenyi kwa BWANA matuku ghose gha irangi japo; niwoneghe kughoka kwa BWANA, na kulola wulongozi ghwake andenyi ya Hekalu yake.

⁵Ngelo ya wasi uchaniwika kijunyi kwake; uchanivisa Hekalunyi kwake, na kuniwika ighu aighu ya igho.

⁶Idana nichawisima wamaiza wapo winimarie chia rose; nani nichamfunyira BWANA vizongona Hekalunyi kwake ngibora kwa kuboilwa; nicham'boria BWANA, na kumkasa.

⁷Iji nakema nandighi, kunisikire ee BWANA; kuniwonie wughoma na kunitumbulia.

⁸Oho kwaghambie, “Nilolenyi.” Nani naghamba, “Nichakulola ee BWANA;

⁹kusakekuvisa nisekuwone.” Kusakeniwinga kwa machu mdumiki wako, oho kudue mtesia wapo. Kusakenida, kusakenisigha, ee Mlungu Mkiri wapo.

¹⁰Aba na mao wikanisigha, BWANA uchaniwada.

¹¹Kunifunde kubonya lukundo lwako ee BWANA, kunighenje kwa chia ra sere, nisekorongo ni wamaiza wapo.

¹²Kusakenisighia wamaiza wapo, angu nawukilwa ni washahidi wa tee winiturusagha.

¹³Neko na irumirio kukaia nichaghuwona wucha ghwa BWANA niko moyo.

¹⁴Mrumirie BWANA; kukufungishe ndighi hata kusefo ngolo; hee, mrumirie BWANA.