Read TAITA BIBLE – Biblia Ilagho Jiboie Kwa Wandu Wose ZABURI 31 Bible Online

ZABURI 31 - TAITA BIBLE – Biblia Ilagho Jiboie Kwa Wandu Wose bible

ZABURI 31

¹Nakukimbiria oho ee BWANA, kusenisighe ngifushwa waya jingi; kunikire, angu oho koko mhachi.

²Kunideghie kudu kwako; kunivuvuo shwa-shwa. Kukaie mbanga yapo ekimbiria, na ngome imange enikira.

³Oho ko mbanga yapo na ngome yapo; kunilongoze na kunighenja kwa wundu ghwa irina jako.

⁴Kunifunye nyavunyi ideghelo kwa wundu ghwapo; angu oho ko andu kwapo kokimbiria.

⁵Nakuwika mikonunyi kwako; oho kwanikombue ee BWANA, Mlungu wa loli.

⁶Oho kwadazamilwa ni wandu witasagha milimu ya duu, ela ini nadakurumiria oho.

⁷Nichaboilwa na kuzuma kwa wundu ghwa lukundo lwako lukatie, angu oho kwawonie makorongo ghapo, kukamanya wasi ghwapo;

⁸hata ndekunisighie nisimo ni wamaiza wapo, kwanibonya nighende nicha.

⁹Kuniwonie wughoma ee BWANA, angu neko wasinyi; meso ghapo ghasera kira kwa wundu ghwa wasi, hata roho na mumbi ghwapo wori.

¹⁰Angu irangi japo jiamerelwa ni wasi, na miaka yapo yamerelwa ni kusoria ngolo. Ndighi rapo ranisia kwa wundu ghwa wasi ghwapo, na maindi ghapo ghiaselwa ni mbogha.

¹¹Naawuyasekwa ni wamaiza wapo wose, na kuchumba wammbedu. Nakaia kilambo cheobosha kwa wandu dichinane; na awo winiwonagha chienyi wianikimbia.

¹²Naliwikie sa mundu ufue; neewuya sa chombo chibarikie.

¹³Nasikira wandu wengi wikihohoriana, ngadadungwa ni vikundi; wabonya mipango chiaimweri elwa nani, wipate kunibwagha.

¹⁴Ela ini naawuyakusaghika na oho ee BWANA ngighamba, “Oho ko Mlungu wapo.”

¹⁵Matuku ghapo gheeka mikonunyi kwako, kunikire na wamaiza wapo na awo winikorongagha.

¹⁶Kunizighane kwa wughoma ini mdumiki wako, kunikire kwa lukundo lwako lukatie.

¹⁷Kusakenisigha nifusho waya ee BWANA, angu nakuwanga; wawiwi ndewifusho waya, na kusea Andu kwa Wafu winyame.

¹⁸Wandu wa tee ndewinyamiro; waawuyadeda lung'eto aighu ya wahachi kwa lubando na lumenyo.

¹⁹Ni mungi saki ugho wucha ghwako, kuwiwikie awo wandu wikuobuagha oho! Kwaghubonyere imbiri ya wandu wose kwa wundu ghwa awo wikukimbiriagha oho.

²⁰Kwawivisa kwa kukanya nawo, wandu wisedime kuwibonya ilagho jingi. Kwawiwika nicha aisi ya wulindiri ghwako, wisededelo kiwiwi ni wamaiza wawo.

²¹BWANA ndekaso, angu waniwonyere lukundo lwake lukatie lwa mashiniko, iji nerelaliriloghe sa muzi ghurughailo.

²²Nereobueghe ngighesha wei BWANA oonilegha, ela iji neremkemieghe, ukasikira kililo chapo.

²³Mkundenyi BWANA inyo waeli wake wose. BWANA wadawilindia wandu wa loli, ela wadawilipa wang'eti seji iwifwanagha kwa wungi.

²⁴Kaienyi na ndighi inyo mmbose mummbeseragha BWANA, mkaie na ngolo.