Read TAITA BIBLE – Biblia Ilagho Jiboie Kwa Wandu Wose ZABURI 41 Bible Online

ZABURI 41 - TAITA BIBLE – Biblia Ilagho Jiboie Kwa Wandu Wose bible

ZABURI 41

¹Warasimilwa uo mundu umtalagha mkiwa; BWANA uchamkira ngelo ya wasi.

²BWANA uchamlindia na kummbika moyo. Uchamrasimia isangenyi, hata ndechaasigha wamaiza wake wim'bonye seji wikunde.

³Uchamtesia ukakaia mkongo, na kum'boisa wukongo ghwake ghose.

⁴Nereghambieghe, “Nakubonyere kaung'a ee BWANA, kuniwonie wughoma, kuniboise.”

⁵Wamaiza wapo waawuyadeda kinyanya wikighamba, “Ufwa lii irina jake jilaghaye?”

⁶Na iji mndumu wachanizighana, wadadeda malagho gha duu; wadadwa malagho ghizamie aighu yapo, na iji wafuma, wadaghenda ukighighora noko.

⁷Awandu wose wizamilwagha ni ini, wadahohoriana wikinideda, na kunigheshera mawiwi.

⁸Wadaghamba, “Walwale wukongo ghofwa; uafuya aeni ulale.”

⁹Hata mghenyi wapo wa ngolonyi, umoni neremrumirieghe dikajanya vindo vapo, waghalukie ulo nani.

¹⁰Ela oho ee BWANA, kuniwonie wughoma; kuniboise nipate kuwilipia wamaiza wapo.

¹¹Wamaiza wapo ndewiwuenisima; kwa ilagho iji namanya kukaia kwawuyaboilwa ni ini.

¹²Kwanimazirie kwa wundu ghwa wucha ghwapo, na kuniwika imbiri kwako kwa kala na kala.

¹³BWANA uo Mlungu wa Israeli ndekaso, kwa kala hata kwa kala. Amen! Amen!