Read TAITA BIBLE – Biblia Ilagho Jiboie Kwa Wandu Wose ZABURI 46 Bible Online

ZABURI 46 - TAITA BIBLE – Biblia Ilagho Jiboie Kwa Wandu Wose bible

ZABURI 46

¹Mlungu nuo andu kodu kokimbiria na ndighi redu. Oko tayari kutesia shwa ngelo ya wasi.

²Kwa huwo, hata ngera ndoenyi kwaghaluka, na mighondi kuwuduka ghadi na ghadi ya bahari, ndedichaaobua.

³Hata ngera machi gharo gharuruma na kufunya ifuo, na mighondi kusughuswa ni mivo-mivo yaro, ndedichaaobua.

⁴Ghoko moda dumeda dwaro duredagha kuboilwa mzinyi kwa Mlungu, andu kuelie kokaia kwa Uo-Uko-Aighu-Nandighi.

⁵Mlungu wadakaia andenyi ya ugho muzi, na jingi ndeghuchaanoneka; wadaghutesia nakesho kio.

⁶Mbari ra wandu rabonya nganyi, mawuzuri ghasughusika; Mlungu wadeda, na ndoe ikasagha.

⁷BWANA wa majeshi okwanye nesi, Mlungu wa Jakobo nuo andu kodu kokimbiria.

⁸Choonyi mmbone kazi ra BWANA; wabonya ndoenyi kukasighwa kuduu.

⁹Wadabonya wandu wisighe wuda ndoenyi kose; wadachikanya ndana, na kunona mafumu; wadakora ngao kwa modo.

¹⁰Waghamba, “Sighenyi kulwa munimanye kukaia ne Mlungu. Ne m'baa aghadi ya mbari ra wandu, ne m'baa ndoenyi!”

¹¹BWANA wa majeshi okwanye nesi, Mlungu wa Jakobo nuo andu kodu kokimbiria.