Read TAITA BIBLE – Biblia Ilagho Jiboie Kwa Wandu Wose ZABURI 47 Bible Online

ZABURI 47 - TAITA BIBLE – Biblia Ilagho Jiboie Kwa Wandu Wose bible

ZABURI 47

¹Kabenyi chui inyo wandu wose! M'borienyi Mlungu kwa lwaka lubaa lwa kuboilwa.

²Angu BWANA, Uo-Uko-Aighu-Nandighi ni wa kuobolwa; ni mzuri m'baa ndoenyi kose.

³Wadinekie wusimi aighu ya wandu, ukadibonya diribonyere mbari ra wandu nguma.

⁴Oredisaghueghe isanga jekaia, ijo jawuyakukasa na wandu wake uwikunde.

⁵Mlungu wajokie ukizumilwa na kuboilwa, BWANA wajokie ukiborelwa kwa lwaka lwa tarumbeta.

⁶M'borienyi Mlungu makaso, ee, m'borienyi. M'borienyi Mzuri odu makaso, ee, m'borienyi.

⁷Mlungu ni mzuri wa ndoenyi kose, m'borienyi makaso kwa Zaburi.

⁸Mlungu wadasea kidombo aighu ya kifumbi chake cha nguma cha wueli; wadaribonyera mbari ra wandu nguma.

⁹Wabaa wa wandu wakwanyika, chiaimweri na wandu wa Mlungu wa Abrahamu. Kwa kukaia wazuri wa ndoenyi ni wa Mlungu; wakumikie nandighi.