Read TAITA BIBLE – Biblia Ilagho Jiboie Kwa Wandu Wose ZABURI 53 Bible Online

ZABURI 53 - TAITA BIBLE – Biblia Ilagho Jiboie Kwa Wandu Wose bible

ZABURI 53

¹Mkelu wadaghamba ngolonyi kwake, “Mlungu ungi ndeuko.” Ni wandu winonekie, wibonyagha malagho ghizamie; hata ndekuwadie ungi ubonyagha nicha anduangi.

²Mlungu wadazighana wadamu kufuma mlungunyi, uwone ngera weko wangi wiko na hikima emlola.

³Wose weeghaluka wikaawuya nyuma; wose weenoneka kara kara; ndekuwadie ungi ubonyagha nicha, ndeuko hata umweri.

⁴Mlungu wakotia, “Welee awandu wibonyagha mawiwi weesowa suku? Wadakaia moyo kwa kuwisoka wandu wapo, hata ndewinilombagha.”

⁵Hawaja, weko na kiture kibaa wisechiwonie jingi. Mlungu uchaghisaghisa maindi gha wamaiza wa wandu wake; wichafushwa waya angu Mlungu uwileghie.

⁶Yakaiagha nicha saki ngera kukia kwa wandu wa Israeli kwadapatika kufuma Sioni! Mlungu ukawunjira wandu wake mecha ghawo, wandu wa Israeli wichaboilwa na kuzuma.