Read TAITA BIBLE – Biblia Ilagho Jiboie Kwa Wandu Wose ZABURI 54 Bible Online

ZABURI 54 - TAITA BIBLE – Biblia Ilagho Jiboie Kwa Wandu Wose bible

ZABURI 54

¹Kunikire kwa ndighi rako ee Mlungu; kunidederie kwa kudima kwako.

²Sikira ilombi japo ee Mlungu, degha kudu kwako kusikirie agho nighoragha.

³Waghenyi wawuka wilo nani; wakinyanya waawuyalola kunibwagha; wandu wisemtalagha Mlungu.

⁴Ela Mlungu ni mtesia wapo, BWANA nuo wawuyanimangisha irangi japo.

⁵Mlungu ndewikabe wamaiza wapo na wuwiwi ghwawo; uwimerie kwa wuloli ghwake.

⁶Nichakufunyira kizongona chefunya kwa ngolo. Nichajifunyira chawucha irina jako ee BWANA, angu jaboie.

⁷Kwanikirie na wasi ghwapo ghose, nani ngawiwona wamaiza wapo wisimilo.