Read TAITA BIBLE – Biblia Ilagho Jiboie Kwa Wandu Wose ZABURI 55 Bible Online

ZABURI 55 - TAITA BIBLE – Biblia Ilagho Jiboie Kwa Wandu Wose bible

ZABURI 55

¹Sikira ilombi japo ee Mlungu; kusakeleghatala kuvoya kwapo.

²Sikiria, kunitumbulie, wasi ghwapo ghwanichumba ndighi. Niateweleka.

³Kwa wundu ghwa ndoghoi ra m'maiza, riredwagha ni makorongo gha wandu wawiwi. Waniredia wasi, nawo wabonya machu aighu yapo.

⁴Neko na kuwawa kubaa ngolonyi, naawuyaobua kifwa.

⁵Nangilwa ni kiture na kusughusika, naobua nandighi.

⁶Ngaghamba, “Nawei nedeeka na mawawa sa mbughi, nadaburuka noko niendehora;

⁷hee, kumangu nadamara-mara kula, na kukaia kireti.

⁸Kumangu nadashashira nipate andu konituwiria mbeo na kiremba.”

⁹Kunone mipango yawo ee BWANA, kuwivurughe madedo ghawo; kwa kukaia naawuyawona nganyi na marashano mzinyi.

¹⁰Waawuyamara mawurigha gha muzi kio na dime; wachura wuwiwi na wasi andenyi yaro.

¹¹Kunoneka koko ghadi na ghadi ya ugho muzi, makorongo na tee nderisowekagha chienyi raro.

¹²Na wei edeeka ni m'maiza wawuyaniseka, kumangu narumaghiagha; wei ni mundu wawuka kulwa nani, kumangu nakuvisa.

¹³Ela ni oho kumoni mngara wapo, mndwapo moni na mghenyi wapo dimanyane.

¹⁴Derekoghe dikija malagho gha ngolonyi chiaimweri, na kutasa andenyi ya nyumba ya Mlungu.

¹⁵Wamaiza wapo ndewifo imbiri ya ngelo yawo, wisee Andu kwa Wafu wimoo; wuwiwi ghoko mizinyi kwawo na ngolonyi kwawo.

¹⁶Ela ini nammbanga Mlungu unitesie, na BWANA uchanikira.

¹⁷Nadamlalamikia BWANA ngilila, nakenyi na nakesho na dimeghadi, nao wadanisikira.

¹⁸Uchaniwunja banana kufuma wudenyi, ugho nawuyalwa na wamaiza wapo wengi.

¹⁹Mlungu, uo ubonyagha nguma kufuma kala, uchasikira na kuwisima; kwa kukaia ndewighaluagha tabia rawo, hata kumuobua Mlungu anduangi.

²⁰Mngara wapo orekufunyireghe kulwa na waghenyi wake, ukajinona ilaghano jake.

²¹Madedo ghake gherekoghe ghidendere kuchumba turashu, ela sena wuda ghorekoghe ngolonyi kwake. Malagho ghake gherekoghe ghihorie kuchumba mavuda, ela sena ghadadema sa chufu.

²²Kumneke BWANA wasi ghwako, nao uchakutesia; na jingi ndechaamsigha mhachi ulemo.

²³Ela oho ee Mlungu, kuchawikumba wabwaghi na wandu wa mikalo kaburinyi; ndewichaadua moyo hata nusu ya irangi jawo. Ela ini nichakurumiria oho.