Read TAITA BIBLE – Biblia Ilagho Jiboie Kwa Wandu Wose ZABURI 57 Bible Online

ZABURI 57 - TAITA BIBLE – Biblia Ilagho Jiboie Kwa Wandu Wose bible

ZABURI 57

¹Kuniwonie wughoma ee Mlungu, kuniwonie wughoma, angu nakukimbiria oho. Nichakuvisa aisi ya kiju cha mawawa ghako, hata icho kiremba chenona chaida.

²Namlilia Mlungu Uko-Aighu-Nandighi, uo Mlungu ukatishagha makusudi ghake kwa wundu ghwapo.

³Uchanitumbulia kufuma mlungunyi na kunikira; uchawifusha waya, awo wawuyaningiria. Mlungu uchaniwonyera lukundo lwake lukatie na wuloli ghwake.

⁴Naawuyakaia aghadi ya wamaiza wiko sa shimba rijagha wandu; maghegho ghawo gheeka sa mafumu na mawanu, na chumi rawo reeka sa chufu rikalie.

⁵Kujoso ighu kuchumba mlungunyi ee Mlungu; wubaa ghwako ndeghukaie ndoenyi kose.

⁶Wamaiza wapo weredeghieghe nyavu eniwada, ngakaia na wasi m'baa. Wakotere kina andu niidiriagha, ela wikachunuka weni andenyi yaro.

⁷Nakaia na wuwana ee Mlungu, nakaia na wuwana ghukatie; nichakuboria makaso.

⁸Wuka roho yapo! Wuka ee kinubi na zeze! Nichawuka kokesho kio.

⁹Nichakufunyira chawucha aghadi ya wandu ee BWANA, nichakuboria makaso aghadi ya mbari zima.

¹⁰Lukundo lwako lukatie lwavika mlungunyi, wuloli ghwako ghwavika mawingunyi.

¹¹Kujoso ighu kuchumba mlungunyi ee Mlungu; wubaa ghwako ndeghukaie ndoenyi kose.