Read TAITA BIBLE – Biblia Ilagho Jiboie Kwa Wandu Wose ZABURI 58 Bible Online

ZABURI 58 - TAITA BIBLE – Biblia Ilagho Jiboie Kwa Wandu Wose bible

ZABURI 58

¹Loli inyo wabonyi nguma mwadedagha malagho gha loli? Mwawitanyagha wadamu kwa hachi?

²Hata! Mwadaririkanya mawiwi maduu ngolonyi konyu, na kukita wandu ndoenyi.

³Wandu wawiwi weelaghaya kufuma kifunyi; wadakosa na kughora tee kufuma kuvalwa kwawo.

⁴Weko na wusungu sa ghwa choka; wedefwanana na mwaropo uleghagha kusikira,

⁵eri usesikire chwaka ra wasawi, awo wiloghagha kwa mikalo.

⁶Ee Mlungu, chikanya maghegho ghawo, kuchikanye maghegho mabaa gha awo wana wa shimba ee BWANA.

⁷Ndewilaghae sa machi ghiidagha; ndewifasho-fasho sa nyasi na kuoma.

⁸Ndewikaie sa kitambala chisaghagha na kuwuya kizozo chidendiagha, na sa mwana ufushiro jingi usechaawona iruwa.

⁹Seji nyungu risedimagha kuwadwa ni modo ghwa minjwa, ikaiagha mmbishi angu iomie, ni huwo koni wawiwi wichaainjwa shwa.

¹⁰Mhachi uchaboilwa kuwona kisasi chikilipwa, maghu ghake ghicharogha bagha ya wawiwi ukighenda.

¹¹Wandu wichaghamba, “Loli mhachi uchanekwa mafungu ghake; loli oko Mlungu utanyagha ndoenyi.”