Read TAITA BIBLE – Biblia Ilagho Jiboie Kwa Wandu Wose ZABURI 6 Bible Online

ZABURI 6 - TAITA BIBLE – Biblia Ilagho Jiboie Kwa Wandu Wose bible

ZABURI 6

¹Kusakenidokia kuko na machu ee BWANA, hata kusakenikaba kwa lubio lwako.

²Kuniwonie wughoma ee BWANA, angu naawuyasia; kuniboise BWANA, angu maindi ghapo ghianiwawa.

³Naja wasi nandighi, niweseria hata lii ee BWANA kusenitesiagha?

⁴Ghaluka kunikire ee BWANA, kunikire kwa wundu ghwa ulo lukundo lwako lukatie.

⁵Mndungi ndedimagha kukukumbuka ingelo wafwa; nani udimagha kukukasa aho Andu kwa Wafu?

⁶Kusirimika kwapo kwanisirisha ndighi, nariwika wuli ghwapo na mbori kula kio, na igodoro japo jawada mbori rapo.

⁷Meso ghapo ghapungua ndighi kwa wundu ghwa wasi, ghasera kira kwa kuririshwa ni wamaiza wapo.

⁸Injikenyi kwapo inyo mmbose m'bonyagha mawiwi, BWANA wamerie kusikira kililo chapo.

⁹BWANA wameria kusikira kuvoya kwapo; nao wadarumiria ilombi japo.

¹⁰Wamaiza wapo wose wichafushwa waya, na kusumbuka nandighi, wichawuya nyuma na kufwa waya shwa wori.