Read TAITA BIBLE – Biblia Ilagho Jiboie Kwa Wandu Wose ZABURI 60 Bible Online

ZABURI 60 - TAITA BIBLE – Biblia Ilagho Jiboie Kwa Wandu Wose bible

ZABURI 60

¹Ee Mlungu, oho kwadileghie, kukasigha ngome redu richikanyo; kwazamilo, dakulomba kudiwurie.

²Kwasughusire ndoe, kukaibara; boisa chughuma raro, angu yaawuyatana.

³Kwawibonyere wandu wako wikapatwa ni wasi m'baa; daawuyatatarika sa wandu winyue divei wikawongia.

⁴Kwawikunyirie na kiweto awo wikuobuagha, wikimbie wiselaso.

⁵Kudikire na kuditesia kwa ndighi rako, eri wandu wako kuwikunde wipate kukirwa.

⁶Mlungu waghora kufuma Andu kwake kwa Wueli: “Nichawagha Shekemu kwa wusimi, na vololo ya Sukothi nichaiwaghia wandu wapo.

⁷Gileadi ni yapo, na Manase wori ni yapo; Efraimu ni kofia yapo ya chuma, na Juda ni mzata ghwapo ghwa nguma.

⁸Moabu ni beseni yapo ekuoghosha, Edomu naikumbia chadu chapo, kuwonyera ni yapo; Filistia niaizomia kwa kuisima.”

⁹Nani uchaanighenja muzi ghwa ngome? Nani uchaanilongoza cha Edomu?

¹⁰Huwo ndekoodilegha, ekusewueghendanya na majeshi ghedu ee Mlungu?

¹¹Ditesie kulwa na m'maiza; wutesia ghwa mdamu ndeghufwanagha.

¹²Dikakanya na Mlungu dichasima; uo uchawiwadia-wadia wamaiza wedu.