Read TAITA BIBLE – Biblia Ilagho Jiboie Kwa Wandu Wose ZABURI 61 Bible Online

ZABURI 61 - TAITA BIBLE – Biblia Ilagho Jiboie Kwa Wandu Wose bible

ZABURI 61

¹Sikira kililo chapo ee Mlungu; kusikire ilombi japo.

²Nadakuwanga nifue ngolo ngikaia kula na mzinyi; kunilongoze andu kwa ighu kuko na wulindiri ghukate.

³Angu oho ko andu kwapo kokimbiria, mnara ghumange ngelo elwa na m'maiza.

⁴Leka nikaie Hekalunyi kwako irangi japo jose, nipate kulindilwa aisi ya kiju cha mawawa ghako.

⁵Kwamerie kusikira maghemi ghapo ee Mlungu, kukanineka ifwa ja awo wikuobuagha oho.

⁶Mchurie mzuri matuku mengi; miaka yake iduo vivalwa vingi.

⁷Ndebonye nguma imbiri kwako matuku ghose ee Mlungu, mlindie kwa lukundo lwako lukatie na wuloli ghwako.

⁸Niko nichakuboria makaso matuku ghose, ngilipa maghemi ghapo ituku ituku.