Read TAITA BIBLE – Biblia Ilagho Jiboie Kwa Wandu Wose ZABURI 63 Bible Online

ZABURI 63 - TAITA BIBLE – Biblia Ilagho Jiboie Kwa Wandu Wose bible

ZABURI 63

¹Ee Mlungu, oho ko Mlungu wapo, nani nakaia na bea na oho. Nakaia na kau mbaa na oho, karakara na isanga jiomie jisewadie machi.

²Niko ngakuzighana andenyi ya Andu Kwako kwa Wueli, nipate kuriwona ndighi rako na wubaa ghwako.

³Angu lukundo lwako lukatie luchumbie irangi, nichakukasa oho.

⁴Kwa huwo nichakukasa ngelo rose niko moyo; nichaiwusira mikonu yapo, na kujiwangia irina jako.

⁵Irangi japo jichakatwa sa mundu waja vindo vinorie, nani nichakukasa kwa chumbo ra kuboilwa.

⁶Nadakukumbuka oho niko wulinyi kwapo, ngikuririkanya kio chee.

⁷Kwa kukaia oho korekoghe mtesia wapo, nichabora kwa kuboilwa aisi ya kiju cha mawawa ghako.

⁸Nawadana na oho kukanimaziria.

⁹Ela wandu wawuyalola kunibwagha, wichasea kondonyi kwa wurumwengu ghwa wafu.

¹⁰Wichabwaghwa wudenyi, na kujighwa ni vikwau.

¹¹Ela mzuri uchaboilwa andenyi ya Mlungu, na awo wibonyagha maghemi kwa irina jake, wichamkasa; ela memu ya watee ichanyamirishwa.