Read TAITA BIBLE – Biblia Ilagho Jiboie Kwa Wandu Wose ZABURI 75 Bible Online

ZABURI 75 - TAITA BIBLE – Biblia Ilagho Jiboie Kwa Wandu Wose bible

ZABURI 75

¹Dakufunyira chawucha ee Mlungu, dakufunyira chawucha; daeresha malagho gha wubaa ghwako, na kughora malagho gha mabonyo ghako gha mashiniko.

²Mlungu waghamba, “Nawikie ngelo etanya, nani nichatanya kwa hachi.

³Ndoenyi kukakazingizika, na vose viko andenyi yaro, ni ini niimaziriagha.

⁴Nadawizera wandu wikukasire wisekukase, na wandu wawiwi wisakekujosa.

⁵Nadawizera wisighe kukujosa na kudeda kwa lubando wikukasire.”

⁶Kujoswa ndekufumagha mashariki angu magharibi, hata ndekufumagha kireti anduangi.

⁷Ela Mlungu nuo utanyagha. Wadamsera uhu, na kumjosa uhu.

⁸BWANA wawadia kikombe, cha divei ya machu ghake, iranganyiro nicha na kubonya ifuo. Uchawidungia wandu wawiwi wose wa ndoenyi, nawo wichanywa na kuchiangamira.

⁹Ela ini nichaboilwa kwa kala na kala; nicham'boria Mlungu wa Jakobo chumbo ra makaso.

¹⁰Uchainja kudima kose kwa wandu wawiwi; ela kudima kwa wahachi kuchachurilwa.