Read TAITA BIBLE – Biblia Ilagho Jiboie Kwa Wandu Wose ZABURI 77 Bible Online

ZABURI 77 - TAITA BIBLE – Biblia Ilagho Jiboie Kwa Wandu Wose bible

ZABURI 77

¹Nakema nandighi kwa Mlungu; nakema upate kunisikira.

²Nadamlola Bwana ngelo ya wasi ghwapo; ngiwusira mikonu yapo na kulomba chee nisesilwagha; ngalegha kuhoreshwa.

³Ngamkumbuka Mlungu niawoka kulila; ngamririkanya, niafwa ngolo.

⁴Wadanibonya nikaie nilave kio chee, naja wasi nandighi hata nialemwa ni kudeda.

⁵Naghesha matuku gha kala, na kukumbuka miaka iidie.

⁶Nadapima malagho na ngolo yapo nakio, na kuririkanya ngikuzighana nimoni ngighamba:

⁷“Ado BWANA wadilegha putu? Ndewuyaaboilwa ni isi sena?

⁸Huwu ooleka putu kudikunda? Huwu malaghiro ghake ndeghiduagha?

⁹Huwu Mlungu ooliwa wughoma ghwake? Wele machu ghake ghiaghiria usekaie wa wughoma?”

¹⁰Niko ngaghamba, “Nawawa na ndighi ngighesha seji Uo-Uko-Aighu-Nandighi ulekie kuditesia.”

¹¹Nichakumbuka mabonyo ghako BWANA; hee, nichakumbuka mashiniko ghako gha kala.

¹²Nichaghesha aighu ya kazi rako rose na kuririkanya aighu ya mabonyo ghako gha ndighi.

¹³Chia yako ni ya wueli ee Mlungu, ni mlunguki ghuko m'baa sa oho Mlungu odu?

¹⁴Oho ko Mlungu kubonyagha mashiniko; kwawonyere kudima kwako aghadi ya wandu.

¹⁵Oho korewikombueghe wandu wako kwa ndighi rako, kivalwa cha Jakobo na cha Josefu.

¹⁶Iji machi gherekuwonieghe ee Mlungu, iji machi gherekuwonieghe oho, ghikaobua; hee, andu kumilie kukasughusika.

¹⁷Mawingu ghikanyesha vua; lukuwa lukadeda mawingunyi; mawanu ghako gha chuhehia gikalasa iichia na iichia.

¹⁸Lukuwa lorekabieghe andenyi ya kikulughulu, chuhehia rako rikang'ala-ng'ala wurumwengunyi; ndoenyi kukanyavurika na kusughusika.

¹⁹Koreghendieghe aighu ya bahari; kukaidia aghadi ya machi mengi; ela sena chwau rako ndererewonekieghe anduangi.

²⁰Oho korewighenjereghe wandu wako sa ng'ondi kukiwitumia Musa na Haruni.