Read TAITA BIBLE – Biblia Ilagho Jiboie Kwa Wandu Wose ZABURI 79 Bible Online

ZABURI 79 - TAITA BIBLE – Biblia Ilagho Jiboie Kwa Wandu Wose bible

ZABURI 79

¹Ee Mlungu, wandu wa mbari zima wangia isanga jako; wameria kuilusha Hekalu yako ya Wueli, na kuibonya Jerusalemu iwuye ighacho.

²Waisighie mimbi ya wadumiki wako ikajighwa ni nyonyi ra mbeonyi; nyama ya waeli wako ikajighwa ni nyamandu ra isakenyi.

³Wadirie bagha yawo sa machi kula andu Jerusalemu, na mndungi owirika ukasoweka.

⁴Wandu wa mbari zima wiko mbai-mbai yedu waawuyadisholia; waawuyadimenya na kudiseka.

⁵Kudibonyera machu hata lii ee BWANA? Kuadibonyera machu kwa kala na kala? Kuawadwa ni iriso hata kujoko ni machu ghiakagha sa modo?

⁶Wonyera machu ghako aighu ya mbari zima risekuichi, na aighu ya mawuzuri ghisekulombagha.

⁷Wabwaghie wandu wako, na kujinona isanga jawo.

⁸Kusakedikaba kwa wundu ghwa kaung'a redu ra kala. Diwonie wughoma shwa-shwa, angu dafwa ngolo nandighi.

⁹Ditesie ee Mlungu Mkiri odu, kwa wundu ghwa wubaa ghwa irina jako; dikire na kudifuya wughoma kaung'a redu, kwa wundu ghwa irina jako.

¹⁰Kusakesigha iro mbari zima righambe, “Damsima Mlungu wawo oko hao.” Kudineke kuwona kukikaba iro mbari zima, kwa wundu ghwa kudia bagha ya wadumiki wako.

¹¹Sikira kuruma kwa wafungwa, na kwa ndighi rako mbaa, kuwikire awo witanyiro kufwa.

¹²Kuwilipe wandu wa mbari zima mando mfungade, kwa wundu ghwa iro seko wikusekie naro ee BWANA.

¹³Niko isi wandu wako, ng'ondi ra malisho ghako, dichakufunyira chawucha na kukukasa matuku ghose.