Read TAITA BIBLE – Biblia Ilagho Jiboie Kwa Wandu Wose ZABURI 8 Bible Online

ZABURI 8 - TAITA BIBLE – Biblia Ilagho Jiboie Kwa Wandu Wose bible

ZABURI 8

¹Ee BWANA, Mlungu odu, irina jako ni ibaa saki wurumwengunyi kose! Wubaa ghwako ghwadaborwa mlungunyi naighu.

²Ghwadaborwa ni wana watini, na awo wiongagha, Kwakubonyera wurigha ghokulindia na wamaiza wako, kupate kumnyamirisha m'maiza na uo uluyagha kisasi.

³Ngazighana cha mawingunyi kughibonyere, mori na nyerinyeri kuriwikie,

⁴mdamu niki hata kumkumbuke, angu mwana wa mdamu niki hata kumtale?

⁵Ela sena kwam'bonyera mtini kuchumba Mlungu, kukamrusha kirumbu cha wubaa na ishima.

⁶Kwamnekie nguma aighu ya vilambo vose kuvibonyere, na kuviwika vose vikaie aisi yake,

⁷ng'ondi rose na ng'ombe, na wokoni nyamandu ra isakenyi wori,

⁸nyonyi ra mbeonyi, na samaki, na icho chose chiko baharinyi.

⁹Ee BWANA, Mlungu odu, irina jako ni ibaa saki wurumwengunyi kose!