Read TAITA BIBLE – Biblia Ilagho Jiboie Kwa Wandu Wose ZABURI 80 Bible Online

ZABURI 80 - TAITA BIBLE – Biblia Ilagho Jiboie Kwa Wandu Wose bible

ZABURI 80

¹Sikira ee Mlisha wa Israeli, oho kughenjagha kivalwa cha Josefu sa ng'ondi. Oho kukaiagha aighu ya kifumbi cha nguma naighu ya makerubi,

²kuwonyere kumoni imbiri ya kichuku cha Efraimu, na Benjamini, na Manase. Wonyera ndighi rako, kuche na kudikire.

³Kudiwunje ee Mlungu; kudiwonie wughoma, kudikire.

⁴Ee BWANA Mlungu wa majeshi, kuzamilwa ni malombi gha wandu wako hata lii?

⁵Oho kwawijishire mkate ghwa wasi; kukawibonya winyo icho kikombe kibaa cha mbori.

⁶Oho kwadibonya dikaie shekeria ya wambedu kukwanywa ni isanga jedu, na wamaiza wedu wiaseka.

⁷Kudiwunje ee Mlungu wa majeshi; kudiwonie wughoma, kudikire.

⁸Korediredieghe sa mzabibu kufuma Misri, kukariwinga mbari zima na kughuwa isangenyi kwawo.

⁹Koreghuboisireghe ndoe; ghukadunga miri ndenyi, na kuera isangenyi.

¹⁰Kiju chake chikafinikira mighondi, na mbashu raro rikafinikira midi mibaa.

¹¹Ghukaghenja mbashu rake cha Bahari ya Mediterania, na chonge raro rikavika Moda ghwa Eufrate.

¹²Da wurigha ghwaro-lee, kwaghuvuchuyaki, hata wandu wose wiidagha wiwayeghe matunda gharo?

¹³Nguwe ra isakenyi raawuyaghunona, na nyamandu ra isakenyi raawuyaghuja.

¹⁴Kudighalukie ee Mlungu wa majeshi; kudizighane andoenyi kufuma mlungunyi kuwone, choo kuwikire wandu wako.

¹⁵Choo kughukire ughu mzabibu koreghuwaeghe, ugho mzabibu mkoo koreghuzoghorieghe ghukawuya m'baa.

¹⁶Wamaiza wedu waghukorie na kughudema; kuwizighane kwa machu ghako na kuwitotesha.

¹⁷Kuwiwike na kuwilindia wandu korewisaghueghe, iyo mbari kuibonyere ikakaia na ndighi nyingi.

¹⁸Niko disechaakusigha jingi; dikaishe moyo, nesi dichakukasa.

¹⁹Kudiwunje ee BWANA Mlungu wa majeshi; kudiwonie wughoma, kudikire.