Read TAITA BIBLE – Biblia Ilagho Jiboie Kwa Wandu Wose ZABURI 86 Bible Online

ZABURI 86 - TAITA BIBLE – Biblia Ilagho Jiboie Kwa Wandu Wose bible

ZABURI 86

¹Degha kudu kwako ee BWANA, kunitumbulie; angu ne mkiwa, nisowagha.

²Lindia irangi japo, angu ini namuobuagha Mlungu; kunikire ini mdumiki wako, angu nakusaghika kwako; Oho ko Mlungu wapo.

³Kuniwonie wughoma ee BWANA, angu nakulilia dime dii.

⁴Kunineke kuboilwa ini mdumiki wako, angu nalomba ngikuwika kwa wulindiri ghwako ee BWANA.

⁵Oho koko mucha kufuyagha wughoma ee BWANA; kwadua na lukundo lukatie kwa wose wikuwangiagha.

⁶Sikira malombi ghapo ee BWANA; sikira kililo cha kuvoya kwapo.

⁷Ingelo nakaia na wasi nadakuwanga, na oho kwadanitumbulia.

⁸Ndekuwadie mlungu ghungi ghuko sa oho ee BWANA, hata ndekuwadie kazi ringi riko sa rako anduangi.

⁹Mbari rose ra wandu kuribonyere, richacha na kukughoghomia ee BWANA, naro richajineka wubaa irina jako.

¹⁰Oho koko m'baa, kubonyagha maza ra mashiniko; ni oho kuekeri kuko Mlungu.

¹¹Kunifundishe chia rako ee BWANA, nipate kughenda kwa loli yako; kunineke nia imweri ekuobua oho.

¹²Nichakukasa kwa ngolo yapo yose ee BWANA Mlungu wapo; nani nichaghueresha wubaa ghwako kwa kala na kala.

¹³Oho kwanikunde nandighi; Kwanikirie na kifwa.

¹⁴Wandu wikukasire wawuka wilo nani ee Mlungu; bonjo ya wandu wa kinyanya waawuyalola kunibwagha, hata ndewikutalagha oho.

¹⁵Ela oho ee BWANA koko Mlungu wa wughoma na mvono; wa mboa kubonya machu na wa lukundo lukatie na wuloli.

¹⁶Nighalukie kuniwonie wughoma; kunineke ndighi ini mdumiki wako; kunikire ini mwana wa mwai wako wa kazi.

¹⁷Kuniwonyere alama ya wucha ghwako, eri awo wawuyazamilwa ni ini, wiwone, na kufwa waya; kwa kukaia oho BWANA, kwaniteserie na kunihoresha.