Read TAITA BIBLE – Biblia Ilagho Jiboie Kwa Wandu Wose ZABURI 87 Bible Online

ZABURI 87 - TAITA BIBLE – Biblia Ilagho Jiboie Kwa Wandu Wose bible

ZABURI 87

¹BWANA waaghie muzi ghwake, aighu ya mghondi ghwa wueli.

²BWANA waghukunde muzi ghwa Jerusalemu, kuchumba andu kose kuzima kwa Israeli.

³Malagho mecha ghaghorwa aighu yako, ee muzi ghwa Mlungu.

⁴“Nichangira Misri na Babuloni andenyi ya mtalo ghwa awo winiichi; wokoni nichangira Filistia, na Tiro andwamweri na Kushi andenyi ya mtalo ghwa awo wikaiagha Jerusalemu.”

⁵Na kwa wundu ghwa Sioni ichaghoreka kukaia, iro mbari rose ni ra aeni aha, angu Uo-Uko-Aighu-Nandighi uchamangisha ugho muzi.

⁶BWANA uchatala wandu ukiwiandika kukaia wandu wa Sioni.

⁷Wichavina wikibora, “Sioni niyo asili ya marasimio ghedu.”