Read TAITA BIBLE – Biblia Ilagho Jiboie Kwa Wandu Wose ZABURI 91 Bible Online

ZABURI 91 - TAITA BIBLE – Biblia Ilagho Jiboie Kwa Wandu Wose bible

ZABURI 91

¹Uo ose ukaiagha aisi ya wulindiri ghwa Uo-Uko-Aighu-Nandighi, uo ukaiagha aisi ya kiju cha Uo-Uwadie-Ndighi-Rose,

²uchamzera BWANA, “Oho ko Mtesia na Mlindiri wapo, ko Mlungu wapo nikurumiriagha.”

³Uchakulindia na ndengwa rose rivisikie, na makongo ghose ghebwagha.

⁴Uchakufinikira na mawawa ghake, nao uchakulindia kukaie banana. Wuloli ghwake ghuchakutesia na kukulindia.

⁵Ndekuchaakaia na kiture chingi nakio, hata ndekuchaapatwa ni ndengwa elaswa na iwanu nadime;

⁶ndekuchaapatwa ni makongo ghangi nakio, hata maza ringi ridimagha kureda kunoneka dimeghadi.

⁷Wandu elfu wadima kufwa kaavui nakumoni; elfu ikumi chia rose kwako; ela oho ndekuchaawona ilagho jingi.

⁸Kuchawona na meso gheni, wawiwi wikilipwa.

⁹Kwam'bonyere BWANA ukakaia Mtesia wako, uo Uwadie-Ndighi-Rose ukawuya mlindiri wako;

¹⁰kiwiwi chingi ndechichaakupata; hata saka ingi ndeichaakuchea hemenyi kwako anduangi.

¹¹Mlungu uchawilaghira weke malaika wake wikulindie andu kose kughendagha.

¹²Wichakudwa na mikonu yawo, kusechekuwarwa ni igho.

¹³Kuchawadia shimba na mwaropo; kuchafasha-fasha mwana wa shimba na choka ya wusungu.

¹⁴Mlungu waghamba, “Nichawikira awo winikundagha, na kuwilindia awo winimanyagha kukaia ne BWANA.

¹⁵Wikaniwanga, nichawidika; wikangia wasinyi, nichakanya nawo; nichawivuvua na kuwibonyera ishima.

¹⁶Nichawinosa kukaia moyo luma, na kuwikira.”