Read TAITA BIBLE – Biblia Ilagho Jiboie Kwa Wandu Wose ZABURI 96 Bible Online

ZABURI 96 - TAITA BIBLE – Biblia Ilagho Jiboie Kwa Wandu Wose bible

ZABURI 96

¹M'borienyi BWANA lumbo luwishi, m'borienyi BWANA ndoenyi kose.

²M'borienyi BWANA, mjikase irina jake, ereshenyi malagho gha kukia kwake matuku ghose.

³Ereshenyi malagho gha wubaa ghwake aghadi ya mbari zima, na kazi rake ra mashiniko aghadi ya wandu wose.

⁴BWANA ni m'baa, ufwane ukaso nandighi; yafwana uobolo kuchumba milungu yose.

⁵Milungu yose ya wandu ni milimu tu, ela BWANA oreumbieghe mlungunyi.

⁶Wubaa na ishima vammara chia rose; wudimi na kughoka vaichura Hekalu yake.

⁷Mkasenyi BWANA inyo wandu wose ndoenyi, kasenyi wubaa na kudima kwake.

⁸Kasenyi irina ja BWANA ja wubaa; redenyi mafunyo, mngie Hekalunyi kwake.

⁹Mtasenyi BWANA na marwao gha wueli, sughusikenyi imbiri kwake ndoenyi kose.

¹⁰Righorienyi mbari rose, “BWANA ni Mzuri; ndoenyi koowikwa andu kwaro, kusedimagha kunyavurika; uchawitanya wandu kwa hachi.”

¹¹Mlungunyi ndekuboilo, na ndoenyi kukaie na iseko; bahari ndeirurume na vose viko andenyi yaro.

¹²Mbuwa nderiboilo na vose viko andenyi yaro! Midi yose ya isakenyi ichabora kwa kuboilwa,

¹³imbiri ya BWANA iji wacha kubonya nguma ndoenyi. Uchawibonyera nguma wandu wiko wurumwengunyi kwa hachi na loli.