Read TAITA BIBLE – Biblia Ilagho Jiboie Kwa Wandu Wose MCHILI 3 Bible Online

MCHILI 3 - TAITA BIBLE – Biblia Ilagho Jiboie Kwa Wandu Wose bible

MCHILI 3

¹Kula ilagho jibonyekagha wurumwengunyi jeko na kimu na ngelo yaro:

²Ngelo evalwa na ngelo ya efwa; ngelo ewa na ngelo ekua;

³ngelo ebwagha na ngelo ekira; ngelo evuchua na ngelo eagha;

⁴ngelo elila na ngelo eseka; ngelo ya wasi na ngelo evina;

⁵ngelo esasara magho na ngelo eghitumbanya; ngelo eshishidiana; na ngelo elekeriana;

⁶ngelo elola na ngelo elaghasha; ngelo ewika na ngelo edagha;

⁷ngelo erashua na ngelo edunga; ngelo ekaia kima na ngelo ededa;

⁸ngelo ekunda na ngelo ezamilwa; ngelo ya wuda na ngelo ya sere.

⁹M'bonyi kazi wapatagha fwaidaki kwa kazi rake?

¹⁰Nawonie misigo ilemere Mlungu udukishire wadamu.

¹¹Wabonyere kula kilambo chikaie chighokie kwa ngelo yaro; wokoni wabonyere wandu wimanye ngolonyi kwawo kukaia kala na kala eko; ela sena ndewidimagha kuelelwa agho Mlungu ubonyere kufuma kuzoya hata kutua.

¹²Naichi kukaia ndekuwadie kindo chingi chiboie kwa wadamu chichumbagha kuboilwa na kubonya nicha ngelo wiko moyo.

¹³Mlungu nuo unosagha wadamu kuja na kunywa na kuboilwa andenyi ya kazi rawo.

¹⁴Naichi kukaia kula kindo Mlungu uchibonyagha chiadua. Ndeidimikagha kuchuria angu kupunguza kilambo chingi; Mlungu oobonya huwo wadamu wipate kumuobua.

¹⁵Ijo jiko, jamerie kukaia; na ijo jichaakaia, jamerie kukaia imbiri; Mlungu wadabonya malagho ghaja gheni ghibonyekeghe.

¹⁶Aighu ya agho, nawonie wurumwengunyi kukaia, andu loli na hachi ifwane ikaie, ghorekoghe wuwiwi.

¹⁷Ngaghamba ngolonyi kwapo, “Mlungu uchawitanya wahachi, na wawiwi; kwa kukaia wawikie ngelo kwa wundu ghwa kula ilagho na kwa kula kazi.”

¹⁸Ngawona kukaia Mlungu waawuyatima wadamu kuwiwonyera seji wisena wuchumbano na nyamandu.

¹⁹Kutua kwa wadamu na nyamandu koofwanana; nyamandu yadafwa sa iji koni mdamu ufwagha. Mdamu na nyamandu kusoda kwawo koofwanana, na mdamu ndene ilagho jingi jichumbagha nyamandu. Maza rose ni duu.

²⁰Mdamu na nyamandu wiaghenda andu kumweri; wose weefuma terinyi nawo wiawuya terinyi.

²¹Nani uichi ngera roho ya mdamu yadaghenda nokoighu, na roho ya nyamandu yadaghenda noko ndonyi?

²²Kwa huwo neewona ndekuwadie jingi jiboie kuchumba mundu kuboilwa andenyi ya kazi rake; ijo nijo ifungu jake. Nani udimagha kumanya agho ghichaakaia nyuma ya kufwa kwake?