Read TAITA BIBLE – Biblia Ilagho Jiboie Kwa Wandu Wose LUMBO 7 Bible Online

LUMBO 7 - TAITA BIBLE – Biblia Ilagho Jiboie Kwa Wandu Wose bible

LUMBO 7

¹Maghu ghako ghaghokie saki iji kwangira sapata ee mwai wa mzuri! Bara rako reeumbika niing'icha seji reebonywa ni fundi.

²Mkuvu ghwako ghooka sa bakuli isesowagha divei iranganyiro. Kiwonu chako cheeka sa kitungu cha ngano chimaro ni mboi.

³Nyodo rako refwanana na wana wa shaa, sa weke mwakuli wawi.

⁴Singo yako eeka sa mnara ghwa mbembe ra chovu, Meso ghako gheeka sa viriwa va muzi ghwa Heshboni, kaavui na iro mbenge ra ugho muzi m'baa. Mbua yako eeghoka sa mnara ghwa Lebanoni ghulangayagha Dameshki.

⁵Chongo chako cheeka cha kimusi sa Mghondi ghwa Karmeli, na iridia jako ilacha jeeka sa nguwo ya kiwuzuri; jawuyawada ngolo ya mzuri.

⁶Kwaghokie kwaki huwu mkundwa, kwafwano kwaki huwu; lukundo lwako luboie lookata putu.

⁷Oho kooumbika nicha sa mtende, na nyodo rako reeka sa vanga varo.

⁸Nichajoka mtende niwaye matunda gharo; nyodo rako nderikaie sa vanga va zabibu, na miruke yako ikaie sa marumba gha matunda.

⁹Momu ghwako ghooka sa divei iboie kuchumba. Divei ndeimilike nicha kwa mkundwa wapo ikiidia momunyi na magheghonyi.

¹⁰Ini ne wa mkundwa wapo, na bea rake rose reeka cha kwapo.

¹¹Choo dighende cha shighadi ya muzi mkundwa; dilale mizinyi mitini.

¹²Dichawuka kokesho kio, diendezighana ngera zabibu rawusa na kushekera, na makomamanga ngera ghafunya mboi. Aho nichakuwonyera lukundo lwapo.

¹³Tunguja ranuka nicha, matunda ghose ghiboie gheeka kaavui mnyangonyi kodu; nakuwikia mawishi na gha kala mkundwa.