Read TAITA BIBLE – Biblia Ilagho Jiboie Kwa Wandu Wose ISAYA 10 Bible Online

ISAYA 10 - TAITA BIBLE – Biblia Ilagho Jiboie Kwa Wandu Wose bible

ISAYA 10

¹Ni bugha konyu inyo mdungagha sharia riseko ra hachi, na kuandika malagho ghewikoronga wandu wapo.

²Eri mumsoke mkiwa hachi yake, na kuiwia wandu wapo hachi rawo. Mwawisoka waka wakiwa na wana wisene weke ndee hachi rawo.

³Da mchabonya wada ngelo BWANA uchaamkaba? M'bonya wada ngelo uchaamredia mawiwi kufuma kula? Mumkimbiria ani umneke wutesia, na ni hao mchaasigha mali renyu?

⁴Jasigharika ni inyo kubwaghwa wudenyi na kudwalwa sa wafungwa. Hata huwo saki, machu gha BWANA ndeghisirie, ela mkonu ghwake ghokaba ghoko ghughorokie hata idana.

⁵BWANA waghamba, “Ni bugha kwake Ashuru nimtumiagha sa zobo ya machu ghapo na mzata ghwa lubio lwapo.

⁶Nadamduma kwa mbari ya wandu winileghie, awo winibonyere ngakaia na machu nawo; upate kuwidwa wunyika kuwisoka vilambo vawo, na kuwifasha-fasha sa mazozo chienyi.”

⁷Ela maghesho na mipango ya mzuri wa Ashuru ni wuzima, ndewueghesha huwo kungi; kwa kukaia nia yake ni kutotesha iro mbari ra wandu kwa wungi.

⁸Nao wadaghora, “Wabaa wose wa majeshi ghapo ni wazuri.

⁹Nakabie muzi ghwa Kalno sa muzi ghwa Karkemishi; na muzi ghwa Hamathi sa muzi ghwa Arpadi; na muzi ghwa Samaria sa Dameshki.

¹⁰Ikakaia nadimie kukaba mawuzuri ghiko na milimu mingi, mibaa kuchumba iyo ya Jerusalemu na Samaria;

¹¹welee, sichaadima kuibonya Jerusalemu na milimu yake huwo koni seji nereibonyereghe Samaria na milimu yake?”

¹²Ela BWANA waghamba, “Ngameria agho nawuyaghibonya Mghondi ghwa Sioni na Jerusalemu, nichamkaba uo mzuri wa Ashuru wawuyakukasa na kukuduka.”

¹³Kwa kukaia mzuri wa Waashuru wawuyakukasa ukighamba, “Naabonya agha kwa ndighi rapo nimoni, na kwa hikima yapo; kwa kukaia neko na kumanya. Namerie kuinona mano yose ya isanga, na kuwusa vindo vose werevikwanyireghe; namerie kuwisera kufuma vifumbinyi kwawo wazuri wose werekoghe wikibonya nguma.

¹⁴Mbari rose ra ndoenyi redeeka sa kijungu cha nyonyi, nani nerewusireghe masanga ghose sa maghi ghileghelo; nerewusireghe mali ra ndoenyi kose, hata ndekuwadie ungi orenyavurieghe iwawa jake kunitangala, angu kunidedia hata ilagho jeni.”

¹⁵Ela Mlungu waghora huwu: “Welee, isoka jadima kukukasa aighu ya uo mundu ujitumiagha? Angu msumeno ghwadima kukujosa aighu ya mundu wawuyabara nagho? Sa kughamba zobo yadima kumdwa uo mundu uko nayo, angu mzata kumduka uo mundu ughudwagha!”

¹⁶Kwa wundu ugho, Bwana, uo BWANA wa majeshi, uchawidumia masikari ghake ghibandie makongo ghewidarumisha; na kwa wubaa ghwake uchaibonya mimbi yawo ibuko ni modo.

¹⁷Mlungu, uo uko mwengere ghwa Israeli, uchawuya modo, Uo Mweli uchawuya modo, na kumeria minjwa na mindandangoma kwa ituku jimweri.

¹⁸Misidu yake iboie na isanga jake jiwurue ukukasagha najo jichanonwa ni BWANA sa mkongo udarumagha na kusia.

¹⁹Misidu yake ichasighwa na midi miting'ini, hata mwana wadima kuitala na kuiandika.

²⁰Ngelo iyo, masighariko gha wandu wa Israeli, awo wikirie wa kivalwa cha Jakobo, ndewichaakusaghika na iyo mbari ya wandu erewikabieghe, ela wichakusaghika na BWANA, Mlungu Mweli wa Israeli kwa loli.

²¹Masighariko gha wandu wa Israeli wichammburia Mlungu wawo uko na ndighi.

²²Kwa kukaia hata ngera Waisraeli weko wengi sa msangagha ghwa bahari, ela ni masighariko ghawo ghichaawuya. Wamerie kuwikilwa malaghiro ghetoteshwa kwa hachi.

²³Angu uo Bwana, BWANA wa majeshi uchakatisha maza rose ndoenyi sa iji koni orelaghirieghe.

²⁴Kwa huwo Bwana, Uo BWANA wa majeshi waghora huwu, “Inyo wandu wapo mkaiagha Jerusalemu, mseobuo awo Waashuru iji wakamkaba sa iji Wamisri werem'bonyereghe.

²⁵Angu andenyi ya ngelo ndinieri, machu ghapo ghichasia, nani nichawighalukia Waashuru kwa machu ghapo nipate kuwitotesha.

²⁶Na ini BWANA wa majeshi nichawikaba na kiboko chapo sa iji koni nerewikabieghe Wamidiani aja lwalenyi lwa Orebu; nani nichawikaba seji nereiwusirieghe zobo yapo aighu ya bahari na kuwikaba Wamisri.

²⁷Ngelo iyo nichaghuinja msigo ghwa makorongo ghawo ghuinjike maweghenyi konyu, na ghongolo yawo nichaichikanya ifume singonyi konyu.”

²⁸Majeshi gha mredi wuda ghajoka kufuma Rimoni, na kungia Ayathi! Waidiria aghadi ya Migroni na kuwika vilambo vawo aja Mikmashi.

²⁹Wameria kuida iruwukonyi, wiendelala Geba, na wandu wa Rama wiasughusika kwa wowa; wandu wa Gibea, ugho muzi ghwa Sauli, wameria kukimbia.

³⁰Kemenyi nandighi inyo wandu wa Galimu, deghenyi madu inyo wandu wa Laisha; tumbulienyi inyo wandu wa Anathothi.

³¹Wandu wa Madmena waawuyakimbia, na awo wikaiagha Gebimu wiakimbia wikilola wulindiri.

³²Idime jeni wamaiza wichalala Nobu, nawo wichaghuzaruma Mghondi ghwa Sioni, ugho mghondi ghwa Jerusalemu.

³³Zighanenyi Bwana, Uo BWANA wa majeshi uchawidema-dema sa mbashu ra midi kwa ndighi rake reobosha; na uo ukujosere na kukaia ighu uchaserwa.

³⁴BWANA uchadema visachi va msidu kwa isoka, midi iboie ya Lebanoni ichaghushwa.