Read TAITA BIBLE – Biblia Ilagho Jiboie Kwa Wandu Wose ISAYA 12 Bible Online

ISAYA 12 - TAITA BIBLE – Biblia Ilagho Jiboie Kwa Wandu Wose bible

ISAYA 12

¹Ituku ijo kuchabora huwu: “Nichakufunyira chawucha oho ee BWANA, kwa kukaia hata ngera korekoghe na machu aighu yapo, ela koreghalukieghe na kunihoresha.

²“Ola Mlungu nuo kukia kwapo, nichamrumiria hata sichaaobua anduangi; kwa kukaia BWANA Mlungu nuo ndighi na lumbo lwapo, nao nuo kukia kwapo.”

³Mchadaya machi visimenyi va kukia kwa kuboilwa.

⁴Na ituku ijo mchabora huwu: “Funyenyi chawucha kwa BWANA mujiwangie irina jake, ghorenyi malagho gha mabonyo ghake kwa iro mbari ra wandu, ghorenyi kukaia irina jake ni ibaa.

⁵“M'borienyi BWANA chumbo ra makaso; kwa kukaia wabonya malagho mabaa; ereshenyi malagho agha ndoenyi kose.

⁶Kemenyi na kubora kwa kuboilwa inyo wandu wose mkaiagha Sioni, kwa kukaia uo uko aghadi konyu ni m'baa, Mlungu Mweli wa Israeli.”