Read TAITA BIBLE – Biblia Ilagho Jiboie Kwa Wandu Wose JEREMIA 41 Bible Online

JEREMIA 41 - TAITA BIBLE – Biblia Ilagho Jiboie Kwa Wandu Wose bible

JEREMIA 41

¹Mori ghwa mfungade, Ishmaeli mwana wa Nethania wawae Elishama, wa kichuku cha kiwuzuri, sena ni umu wa wabaa wa mzuri, ukacha kwa Gedalia mwana wa Ahikamu aho Mispa, andwamweri na wandu ikumi. Hata iji werekoghe wikija vindo aho Mispa,

²Ishmaeli mwana wa Nethania chiaimweri na waja wandu ikumi ukawuka na kumdema Gedalia mwana wa Ahikamu wawae Shafani na lufu, ukam'bwagha uo orewikiloghe ni mzuri wa Babuloni ukaie m'baa wa isanga.

³Wokoni Ishmaeli ukawibwagha Wayahudi wose werekwanyeghe na Gedalia aho Mispa, chiaimweri na masikari gha Wababuloni werekoghe aho.

⁴Ituku jinughie kubwaghwa kwa Gedalia, imbiri mndungi usemanyire ilagho ijo,

⁵wandu mirongo wunyanya wikacha kufuma Shekemu, na Shilo, na Samaria; sombe rawo riarilo na nguwo rawo rirashukie, wikudemie-demie mimbi yawo weni; nawo werekoghe wadwa mafunyo gha viro na marumba, wipate kughireda andenyi ya Hekalu ya BWANA.

⁶Nao Ishmaeli mwana wa Nethania ukafuma Mispa kwendawimara ukilila. Hata iji orekwaneghe nawo ukawizera, “Choonyi mngie kwa Gedalia mwana wa Ahikamu.”

⁷Wiendangia mzinyi, Ishmaeli mwana wa Nethania chiaimweri na wandu orekwanyeghe nawo, wikawibwagha na kuwikumba kisimenyi.

⁸Ela korekoghe na wandu ikumi aghadi kwawo weremzerieghe Ishmaeli, “Kusedibwaghe; kwa kukaia isi deko na nganya ra ngano, na shairi, mavuda, na wuki ghuvisiro mbuwenyi.” Nao ukawisigha chiaimweri na wambao, hata ndewerewibwaghieghe anduangi.

⁹Idana kisima Ishmaeli orekumbieghe iyo mimbi ya wandu orewibwaghieghe, cherekoghe kibaa, nacho ni icho cherekoteroghe ni Mzuri Asa kwa wundu ghokulindia na Baasha mzuri wa Israeli, na Ishmaeli mwana wa Nethania ukachichura iro gharia.

¹⁰Niko Ishmaeli ukawidwa wunyika wandu wose werekoghe Mispa, na wai wa mzuri, na wandu wose weresigharikieghe Mispa, awo weresighiloghe mikonunyi kwa Gedalia mwana wa Ahikamu ni Nebuzaradani uja m'baa wa majeshi; awo wose Ishmaeli mwana wa Nethania ukawidwa wunyika, ukazoya charo cheruwuka cha kwa Waamoni.

¹¹Johanani mwana wa Karea chiaimweri na vilongozi vose va majeshi wiendasikira malagho gha ugho wuwiwi ghose ghubonyero ni Ishmaeli mwana wa Nethania,

¹²wikawada wandu wawo kwendalwa na Ishmaeli mwana wa Nethania. Wikammbwadia ndiwenyi mbaa ija iko Gibeoni.

¹³Wandu wose werekwanyeghe na Ishmaeli wiendammbona Johanani mwana wa Karea, na vilongozi vose va majeshi wikwanye, wikaboilwa.

¹⁴Kwa huwo, awo wandu wose weredwaloghe wunyika ni Ishmaeli kufuma Mispa, wikaghaluka na kuwuya cha kwa Johanani mwana wa Karea.

¹⁵Ela Ishmaeli mwana wa Nethania ukafufunuka kufuma kwa Johanani, ukwanye na wandu wunyanya ukaghenda cha kwa Waamoni.

¹⁶Niko Johanani mwana wa Karea, na vilongozi vose va majeshi werekwanyeghe, wikawada wandu wose weredwaloghe wunyika ni Ishmaeli mwana Nethania kufuma Mispa, nyuma ya kum'bwagha Gedalia mwana wa Ahikamu, wikawiwunja kufuma Gibea, masikari, na waka, na wana na wabaa wa ngomenyi.

¹⁷Wikaghenda na kukaia Geruthi Kimhamu kaavui na Bethlehemu, wikikunda kughenda cha Misri,

¹⁸kwa wundu ghwa kuwiobua Wababuloni angu Ishmaeli mwana wa Nethania orem'bwaghieghe Gedalia mwana wa Ahikamu, uo orewikiloghe ni mzuri wa Babuloni ukaie m'baa wa isanga.