Read TAITA BIBLE – Biblia Ilagho Jiboie Kwa Wandu Wose JEREMIA 47 Bible Online

JEREMIA 47 - TAITA BIBLE – Biblia Ilagho Jiboie Kwa Wandu Wose bible

JEREMIA 47

¹Iji nijo ilagho BWANA orenighorieghe aighu ya Wafilisti, imbiri mzuri wa Misri usekabie Gaza.

²Ukaghamba, “Wonenyi machi ghawuyacha kufuma kaskazinyi; ghichacha kwa wungi sa moda m'baa; ghichafinikira isanga na kula kilambo chiko aho, iyo mizi na wandu wikaiagha andenyi yaro. Wandu wichalila nandighi, na kula mundu uko isangenyi uchalila na kukema mchungu.

³Kwa kusikira tiri na kochokocho ra farasi, na magare ghikimbiagha kwa magurudumu ghawo; weke aba wichalemwa ni kughaluka nanyuma kuwizighana wana wawo, mikonu yawo ichateweleka,

⁴angu ijo ituku jewitotesha Wafilisti javika, na kuinja masighariko gha wandu werekoghe witesie Tiro na Sidoni. Angu BWANA waawuyawitotesha Wafilisti, agho masighariko gha wandu wikaiagha pwani ya Kaftori.

⁵Wandu wa Gaza wichaara vongo kwa wasi, na wandu wa Ashkeloni wameria kutota. Ee masighariko gha wandu wa Filistia, mkudema-dema hata lii?

⁶Mwaghamba, ‘Ai! E lufu lwa BWANA, ni lii kuchaaleka kudema? Wuya kiwonyi kwako, kuhore kima.’

⁷Elaa, luhora wada na ini BWANA nilulaghirie lupate kubwagha wandu wa Ashkeloni na wandu wa pwani yaro?”