Read TAITA BIBLE – Biblia Ilagho Jiboie Kwa Wandu Wose EZEKIELI 19 Bible Online

EZEKIELI 19 - TAITA BIBLE – Biblia Ilagho Jiboie Kwa Wandu Wose bible

EZEKIELI 19

¹Idana oho kuwililie wandu wabaa wa Israeli

²kughambe: Mayo orefwananeghe na shimba ya waka saki aghadi ya shimba! Eredimieghe andonyi aghadi ya shimba ngoo, ikiwilela wana wake.

³Ikamlela mwana umu aghadi ya wambao ukazoghua, uo mwana ukawuya shimba ya irika, ikakufundisha kuwada madiwo; ikaja wandu.

⁴Mbari ra wandu rikasikira malagho gharo, ikawadwa andenyi ya kina chawo, wikaidwa kwa koleo hata isanga ja Misri.

⁵Mae uendaweseria na kusirilwa ni isuwirio, ukawada mwana mzima aghadi ya wana wake, ukamfundisha hata ukawuya shimba ya irika.

⁶Ikamara-mara aghadi ya shimba zima, hata ikawuya shimba ya irika; ikakufundisha kuwada madiwo, ikaja wandu.

⁷Ikanona ngome rawo, na mizi yawo ikasighwa miduu; isanga jose chiaimweri na wandu werekoghe andenyi yaro wikangilwa ni wowa, kwa wundu ghwa uko kururuma kwake.

⁸Niko mbari ra wandu wikadegha midegho kula andu, wikaghorua nyavu yawo aighu yake, ikawadwa andenyi ya kina chawo.

⁹Wikaiwada kwa koleo na kuingira kitangarenyi, wikaidwa kwa mzuri wa Babuloni; wikailindia eri lwaka lwake lusesikirike, aighu ya mighondi ya Israeli.

¹⁰Mayo odeeka sa mzabibu aghadi ya mbuwa ya mizabibu, ghuwalo mbai na mbai ya machi, ghuko na mbashu nyingi rivae loli-loli, kwa wundu ghwa machi mengi.

¹¹Lumbashu lwaro lubaa lukawuya mzata ghwa M'bonyi nguma; ghuja mzabibu ghukazoghua ighu aghadi ya mbashu rikambie, na kuwoneka seji ghujokie ighu; chiaimweri na mbashu raro nyingi.

¹²Ela ugho mzabibu ghorekuloghe kwa machu mabaa, ghukakumbwa andoenyi; mbeo enona ya mashariki ikaghuomera, na matunda gharo ghikaghughuduka; lumbashu lwaro lubaa lukanyaya, lukakorwa.

¹³Idana ghwabarishiro na kuwailwa kireti, isanga jiomie jisena machi.

¹⁴Na modo ghukabuka lumbashunyi lwa ugho mzabibu, ghukakora mbashu raro na matunda gharo; hata ndekusigharikie lumbashu lungi lubaa, na mzata ghwa nguma ghukasoweka. Ulu ni lumbo lwa wasi, nalo lwaborelo na kuwurilwa sena na sena.