Read TAITA BIBLE – Biblia Ilagho Jiboie Kwa Wandu Wose EZEKIELI 2 Bible Online

EZEKIELI 2 - TAITA BIBLE – Biblia Ilagho Jiboie Kwa Wandu Wose bible

EZEKIELI 2

¹Nao ukanizera, “Mwana wa mdamu, wuka kimusi, nani nichadedanya na oho.”

²Hata iji orededanyeghe nani, Roho ukaningia na kuniwusira kimusi, ngamsikira ukidedanya nani.

³Ukanizera, “Mwana wa mdamu, ini naawuyakuduma kwa wandu wa Israeli, iyo mbari isesikiragha, awo winileghagha; awo chiaimweri na weke ndee wibonyere makosa aighu yapo hata linu.

⁴Wokoni awa ni wandu wishughunukie, sena wighilikie. Ini naawuyakuduma kwa awo wandu, na oho kuchawizera, ‘Bwana MLUNGU waghamba huwu,’

⁵wisikiragha angu wisesikire, (angu awo ni wandu welegha) wichamanya kukaia mlodi orekoghe aghadi kwawo.

⁶“Na oho mwana wa mdamu, kusakewiobua, hata kusakeobua malagho ghawo, hata ngera kwakaia aghadi kwawo sa mundu uko andenyi ya mndandangoma na minjwa, seji kwaaseria weke mwambandenyi, kusakeobua malagho ghawo, hata kuzighana kwawo kusekufushe waya; angu awo ni wandu welegha.

⁷Na oho kuchawighoria malagho ghapo wisikiragha angu wisesikire; kwa kukaia awo ni wandu welegha.

⁸“Ela oho mwana wa mdamu, sikira agho nikughoriagha; kuseleghe sa awa wandu wileghagha, tambarua momu ghwako, kuje ichi nikunekagha.”

⁹Nao iji nazighana ngawona mkonu ghwaghorolwa cha kwapo, ghuwadie chuo chiandikilo.

¹⁰Ukachikuchua imbiri kwapo, nacho chereandikiloghe na imbiri na nanyuma malagho ghelila na kulilia, na bugha.