Read TAITA BIBLE – Biblia Ilagho Jiboie Kwa Wandu Wose EZEKIELI 27 Bible Online

EZEKIELI 27 - TAITA BIBLE – Biblia Ilagho Jiboie Kwa Wandu Wose bible

EZEKIELI 27

¹BWANA ukaghora nani ukighamba,

²“Idana oho mwana wa mdamu, woka kulilia Tiro,

³kughuzere muzi ghwa Tiro ghuko aho andu kongiria cha baharinyi, aho ghubonyeragha biashara na kwa wandu wengi wa masanga gha pwani kukaia Bwana MLUNGU waghamba huwu: Ee Tiro, oho kwaghambie wei, kwaghokie nandighi.

⁴Kwaaghilo ghadi na ghadi ya bahari, Waaghi wako wikakuagha kughokie nandighi.

⁵Mbau rako wereribonyereghe ra misumbesu ifumie Seniri, wikadwa mudi ghwa sida kufuma Lebanoni; wipate kubonya mlingoti kwa wundu ghwako.

⁶Weretumieghe mialoni ya Bashani, kukubonyera makasia; wikabonya wualo ghwako na mbau ra misumbesu, ifumie pwani ya Kupro, ghukakandwa na mbembe ra chovu.

⁷Itanga jako jedebonywa na nguwo ya kitani ndicha, itolelo ifumie Misri; idumikagha sa bendera yako. Chandarua chako chedeeka cha rangi ya buluu, na ya zambarau ifumie pwani ya Elisha.

⁸Wandu wa Sidoni na Arvadi niwo werekoghe weruda makasia ghako; wandu wako weni wa akili ee Tiro, werekoghe waghenjeshi meli rako.

⁹Mafundi ghiichi kazi gha Gebali, werekoghe wikiwadanisha mbau ra meli rako; meli rose riko baharinyi na mabaharia wawo; werekoghe wikibonya biashara na oho.

¹⁰“Wandu wa Pashia, Lidia na Libya werekoghe andenyi ya ijeshi jako ja wuda, wikawanika ngao na kofia kambinyi kwako; wikawonyera wubaa ghwako.

¹¹Wandu wa Arvadi, na masikari ghako werelindirieghe mawurigha ghako chia rose; na wandu wa Gamadi werelindirieghe minara yako; wadawanika ngao rawo aighu ya mawurigha ghako chia rose, na kukubonya kuwoneke kughokie putu.

¹²“Korebonyereghe biashara na Spania, angu korekoghe na mali nyingi ra kula kichuku; wikafunya feza, chuma, ibamba, na risasi kuzoghorana na vilambo vako.

¹³Korebonyereghe biashara na Griki, na Tubali, na Mesheki; wikafunya wandu na vilambo va shaba kuzoghorana na vilambo vako.

¹⁴Korezoghoraneghe na Beth-togarma kwa farasi ra kazi, farasi ra wuda, na nyumbu.

¹⁵Wandu wa Rode,[7] werebonyereghe biashara na oho; na masanga gha pwani mengi nigho koreghuaneghe nagho. Werekuredieghe mbembe ra chovu na mwingo.

¹⁶Siria orebonyereghe biashara na oho, angu korekoghe na vilambo vingi; korezoghoraneghe nawo kwa amrade, zambarau, nguwo ritolelo, kitani ndicha, ngola ra baharinyi, na agate.

¹⁷Juda na isanga ja Israeli werebonyereghe biashara na oho; wikazoghorana na oho kwa ngano, na zeituni, na tini, wuki, mavuda, na marumba.

¹⁸Dameshki orebonyereghe biashara na oho, kwa wundu ghwa wungi ghwa vilambo vako; angu korekoghe na mali nyingi ra kula kilambo; ukazoghorana na oho kwa divei ya Helboni, na pamba ifumie Zahari,

¹⁹wokoni Wedani na Griki wikareda vilambo kufuma Uzali; wikazoghorana na oho kwa chuma chieleshero, na mdalasini, na mirangi.

²⁰Dedani orebonyereghe biashara na oho kwa mito eseria ngelo ejoka farasi.

²¹Arabia na wabaa wose wa Kedari werekoghe wakundwa wako kwa wundu ghoghuana wana wa ng'ondi, bauru na mburi, naro niro korebonyereghe biashara nawo.

²²Wandu wa biashara wa Sheba na Raama werebonyereghe biashara na oho; wikazoghorana na oho kwa vilungo vawo viboie va mbari rose, na magho gha zoghori mbaa na dhahabu.

²³Harani, Kane, Edeni, Ashuri na Kimadi werebonyereghe biashara na oho.

²⁴Awa wandu werebonyereghe biashara na oho ya nguwo riboie, ra buluu, na iro ritolelo na mazulia gha rangi zima zima ghidungilo na kamba remaziria. Kwa vilambo ivi vose werebonyereghe biashara na oho.

²⁵Meli ra Spania rerekoghe rikidamba rikikudukia vilambo vako va biashara. Kwa huwo korekoghe kwalemerelwa nandighi ghadi na ghadi ya bahari.

²⁶Wandu wako weruda makasia wakuredie andu kumilie kwa bahari, mbeo ya mashariki ikawidwa, wikamemelwa ghadi na ghadi ya bahari.

²⁷Kuchaneng'ena andu kumilie baharinyi ituku jako jenonwa chiaimweri na mali rako, na vilambo vako wandu wako wa biashara, wabonyi kazi wako wa melinyi, waghenjeshi meli wako, na wandu wako wengira kalafati,[8] wandu m'bonyanye biashara, na wandu wako wose wa wuda wiko andenyi, chiaimweri na wangara wako wose mkwanye.

²⁸Ngemi ya mabaharia wako wawuyaneng'ena, yaawuyasughusa isanga jose ja mbai-mbai.

²⁹Wandu wose weruda makasia, na wabonyi kazi wa melinyi, na mabaharia wasea kufuma melinyi, na kukaia kimusi pwani,

³⁰wikikulilia na kukema kwa kuwawa kubaa. Wakumba teri aighu ya vongo vawo, na kughala-ghala a ivunyi;

³¹waara vongo vawo kwa wundu ghwako, na kurwa nguwo ra magunia kwa wasi; nawo wakulilia kwa luwawo lwa rohonyi, wikiwawa nandighi.

³²Na kwa kulila kwawo, wichakubonyera ifwa jekulilia, wikighamba, ‘Nani jingi orenoneloghe sa Tiro ghadi na ghadi ya bahari!

³³Ngelo vilambo vako verepakulwagha kufuma baharinyi korewikatishireghe wandu wengi kwa wungi ghwa mali rako na biashara rako; korewifughishireghe wazuri wa ndoenyi.

³⁴Idana kwamerie kuchikanywa ni bahari andu kumilie kwa machi mengi; vilambo vako va biashara na wandu wako wose wameria kumilika chiaimweri na oho.’

³⁵“Wandu wose wikaiagha masanga gha pwani, waawuyakushinikia; wazuri wawo wachulwa ni wowa, na mawushu ghawo ghakuchika.

³⁶Wandu wa biashara aghadi ya mbari ra wandu waawuyakuseka; kutua kwako koobosha, kwameria kukuvikia; hata ndekuchaawoneka kwa kala na kala.”