Read TAITA BIBLE – Biblia Ilagho Jiboie Kwa Wandu Wose EZEKIELI 6 Bible Online

EZEKIELI 6 - TAITA BIBLE – Biblia Ilagho Jiboie Kwa Wandu Wose bible

EZEKIELI 6

¹BWANA ukaghora nani ukighamba,

²“Mwana wa mdamu, zighana cha mighondinyi ya Israeli, kuilodere,

³kughambe, Sikirenyi ilagho ja Bwana MLUNGU inyo mighondi ya Israeli; Bwana MLUNGU waghamba huwu aighu ya mighondi mibaa na mitini, mavongo na vololo: Olenyi ini, ini moni nichareda wuda ghwa lufu, nani nichatotesha andu konyu kotasira mighondinyi.

⁴Madhabahu renyu richanonwa, na madhabahu renyu refukiria marumba richachikanywa; nani nichawibwagha wandu wenyu imbiri ya milimu yenyu.

⁵Nichawika gharia ra wandu wa Israeli imbiri ya milimu yawo, na kusasara maindi ghawo mbai mbai ya madhabahu rawo.

⁶Andu uko kose muko, mizi yenyu ichasighwa miduu, na andu konyu kotasira mighondinyi kuchanonwa, eri madhabahu renyu ripate kunonwa na kusaghiswa; na milimu yenyu kuchikanywa na kunonwa; madhabahu renyu refukiria marumba richachikanywa, na vilambo muvibonyere viinjo putu.

⁷Wandu wichabwaghwa na kughwa aghadi konyu, mpate kumanya kukaia ini ne BWANA.

⁸“Ela sena nichasighara wamu wenyu wikaie moyo. Na awo wichaafufunuka wisebwaghilo aghadi ya iro mbari ra wandu, wichasaghisika masangenyi.

⁹Wichanikumbuka ahoeni weredwaloghe wunyika aghadi ya iro mbari ra wandu, nyuma ya kuwikaba kwa wundu ghwa iro ngolo rawo risene wuloli riwishekerie kunilegha, na meso ghawo ghichue bea kwa wundu ghotasa milimu. Wichakuzamia weni kwa wundu ghwa agho mawiwi ghawo wereghibonyereghe, chiaimweri na maza ra wuchafu rose wiribonyere.

¹⁰Niko wichamanya kukaia ini ne BWANA. Malagho nerewizerieghe kukaia nichawibonya kiwiwi, ndegherekoghe gha duu anduangi.”

¹¹Bwana MLUNGU waghamba huwu, “Kabenyi lagha, mtume tiri mghambe, Wei Ngai! Kwa wundu ghwa mawiwi ghose gha wuchafu ghwa wandu wa Israeli; kwa kukaia wichafwa kwa wuda, na kwa njala, na kwa saka izamie.

¹²Uo uko kula, uchafwa kwa saka izamie; na uo uko kaavui, uchabwaghwa wudenyi; na uo usigharikie usebonyero ilagho jingi, uchabwaghwa ni njala. Huwo niko nichaameria lubio lwapo aighu yawo.

¹³Nenyo mchamanya angu ini ne BWANA, ingelo awo wandu wawo wibwaghilo walala aghadi ya milimu yawo wamara madhabahu rawo chia rose, kula mghondi mtini ghuko ighu, na aighu ya mido ya mighondi mibaa yose, na aisi ya kula mudi ghudeghedekie, na aisi ya kula mualoni ghukambie malemba, andu kose werekoriagha milimu yawo yose vizongona vinukie nicha.

¹⁴Nani nichaghorua mkonu ghwapo kulwa nawo, hata isanga jisigho iduu andu kose wandu werekoghe wikikaia; kufuma kireti hata Ribla. Niko wichaamanya kukaia ini ne BWANA.”