Read TAITA BIBLE – Biblia Ilagho Jiboie Kwa Wandu Wose HOSEA 1 Bible Online

HOSEA 1 - TAITA BIBLE – Biblia Ilagho Jiboie Kwa Wandu Wose bible

HOSEA 1

¹Iji nijo ilagho ja BWANA oremnekieghe Hosea mwana wa Beeri ngelo Uzia, na Jothamu, na Ahazi, na Hezekia, werekoghe wazuri wa Juda; na wokoni iji Jeroboamu mwana wa Joashi orekoghe mzuri wa Israeli.

²Iji BWANA orezoyagha kudedanya na Hosea oremzerieghe, “Ghenda kulowuo muka mlaki; kupate wana wichaafwanana nao, kwa kukaia iji isanga jeechulwa ni wulaki kwa wundu ghwa kunisigha.”

³Niko Hosea ukaghenda ukamlowua Gomeri mwai wa Diblaimu; nao ukapata kifu, ukamvaia mwana wa womi.

⁴BWANA ukamzera Hosea, “Mmbange irina jake Jezreeli, angu yasighwa ngelo ndinieri, nani nichamkaba Mzuri Jehu kwa wundu ghobwagha wandu Jezreeli, nani nichaghumeria wuzuri ghwa wandu wa Israeli.

⁵Ituku ijo, nichatotesha ndighi ra Israeli andenyi ya Vololo ya Jezreeli.”

⁶Nao Gomeri ukapata kifu sena, ukava mwana wa waka. BWANA ukamzera Hosea, “Mmbange ‘Usekundo,’ angu sichaakaia na lukundo kwa wandu wa Israeli wei niwifuye wughoma.

⁷Ela nichafuya wandu wa Juda wughoma na kuwikira kwa wundu ghwa BWANA Mlungu wawo, hata si kwa ndana angu kwa lufu, si kwa wuda ghwa farasi na wajoki farasi anduangi.”

⁸Gomeri uendamfunya Usekundo mariwa, ukapata kifu, ukava mwana wa womi.

⁹BWANA ukamzera Hosea, “Mbange, ‘Si wandu wapo kungi’, kwa kukaia wandu wa Israeli si wapo kungi, na ini se Mlungu wawo kungi.”

¹⁰Elaima sena mtalo ghwa wandu wa Israeli ghuchakaia sa msangagha ghwa baharinyi, ghusepimikagha hata ghusetalikagha anduangi. Na andu Mlungu orewizerieghe, “Inyo ndemko wandu wapo,” uchawizera konyuma, “Inyo mo wana wa Mlungu uko moyo.”

¹¹Wandu wa Israeli na wandu wa Juda wichakwanywa chiaimweri, nawo wichakusaghuya weni m'baa umweri. Wichazoghua na kuwona nicha isangenyi. Loli ituku ja Jezreeli[1] jichakaia ibaa.