Read TAITA BIBLE – Biblia Ilagho Jiboie Kwa Wandu Wose JONA 2 Bible Online

JONA 2 - TAITA BIBLE – Biblia Ilagho Jiboie Kwa Wandu Wose bible

JONA 2

¹Niko Jona ukamlomba BWANA Mlungu wake uko andenyi ya kifu cha samaki ukighamba,

²“Nerekuwangieghe niko wasinyi ee BWANA, na oho kukanitumbulia. Nerekukemieghe niko ghadi na ghadi ya Andu kwa Wafu, na oho kukanisikira.

³Angu oho korenikumbieghe andenyi ya machi ghimilie, korenikumbieghe ghadi na ghadi ya bahari, ngamarwa ni machi mengi chia rose, na mivo-mivo yako yose ya bahari ikakukumba aighu yapo.

⁴Neregheshereghe wei nameria kukumbwa noko kuseniwoneghe; nani siwuyaaiwona Hekalu yako ya wueli sena.

⁵Neremililoghe ni machi, ngafinikirwa putu; andu kumilie kukanimara chia rose, na isaka ja machinyi jikanifinikira chongo chapo.

⁶Kondonyi kirimbenyi cha mighondi, neremilikieghe ngasea isangenyi, andu nerefinikiroghe sa kufungilwa na vuma kwa kala na kala. Ela oho korenijosereghe sa kufuma kinenyi ee BWANA Mlungu wapo.

⁷Iji nerekoghe ngidumbuka, nerekukumbukieghe; ilombi japo jikakuvikia andenyi ya Hekalu yako ya wueli.

⁸Awandu witasagha milimu ya duu, wadasigha kukaia waloli kwako.

⁹Ela ini nichakufunyira kizongona cha makaso na chawucha, na kufunya malipo gha ilaghiro nerebonyereghe kwako; kukia kwadafuma kwa BWANA.”

¹⁰Niko BWANA ukaghora na samaki, nayo ikamdaika Jona mbai na mbai ya bahari.