Read TAITA BIBLE – Biblia Ilagho Jiboie Kwa Wandu Wose MITALO 12 Bible Online

MITALO 12 - TAITA BIBLE – Biblia Ilagho Jiboie Kwa Wandu Wose bible

MITALO 12

¹Nao Miriamu na Haruni wikadeda kiwiwi aighu ya Musa kwa wundu ghwa kulowua muka Mkushi.

²Wikaghamba, “A huwo Mlungu odeghora na Musa uekeri? Kwani ndeghorie na isi wori anguwada?” Nao BWANA ukasikira.

³Uo Musa orekoghe mundu wa mboa nandighi kuchumba wandu wose werekoghe ndoenyi.

⁴Shwa wori BWANA ukawizera Musa, Haruni, na Miriamu, “Inyo wadadu fumenyi muche Hemenyi ekwania.” Nao wose wadadu wikafuma.

⁵BWANA ukasea andenyi ya nguro ya iwingu, na kukaia kimusi mnyangonyi ghwa Hema; ukawiwanga Haruni na Miriamu, nawo wose wikasoghoda imbiri.

⁶Nao BWANA ukaghamba, “Sikirenyi malagho ghapo; Ikakaia oko mlodi ungi aghadi konyu, ini BWANA nadakumanyisha kwake kwa chia ya mawono, nadadedanya nao kwa ndodo.

⁷Ela huwo siko kungi nibonyagha na mdumiki wapo Musa; uo wawikilo aighu ya nyumba yapo yose.

⁸Nadaghora nao wushu kwa wushu, worinyi, si kwa kiviso anduangi; nao wawonagha fwana ya BWANA. Kwaki sena msereobuagha kughora kiwiwi aighu ya mdumiki wapo Musa?”

⁹Niko BWANA ukajokwa ni machu aighu yawo, ukaghenda.

¹⁰Hata iji ijo iwingu jainjwa aighu ya Hema, Miriamu ukawoneka wawadwa ni sima, nao ukakaia wachokwa cho sa theluji. Hata iji Haruni wamgalukia Miriamu, ukammbona wawadwa ni sima.

¹¹Haruni ukamzera Musa, “Ai, e bwana wapo, kusakedikaba; kwa kukaia dabonya wukelu, dikabonya kaung'a.

¹²Kusakemsigha ukaie sa mundu uvalo ufue, uko na nyama ijikie nusu.”

¹³Nao Musa ukakema kwa BWANA ukaghamba, “Nakuvoya kum'boise ee Mlungu.”

¹⁴Ela BWANA ukamzera Musa, “Huwo ngera ndee odemchuya mada gha meso-lee, ndakaiagha na waya ghwake matuku mfungade anguwada? Ndefunyo kambinyi cha shighadi, ukaie matuku mfungade ima uwunjo.”

¹⁵Kwa huwo Miriamu ukafunywa na kuwikwa shighadi ya kambi kwa matuku mfungade, na wandu ndewerezoeghe charo, hata Miriamu ukawunjwa andenyi sena.

¹⁶Nyuma ya agho, wandu wikaghenda kufuma Hazerothi hata kireti cha Parani, wikadunga kambi aho.