Read TAITA BIBLE – Biblia Ilagho Jiboie Kwa Wandu Wose MITALO 13 Bible Online

MITALO 13 - TAITA BIBLE – Biblia Ilagho Jiboie Kwa Wandu Wose bible

MITALO 13

¹Nao BWANA ukamzera Musa,

²“Duma wandu wiendezighana isanga ja Kanaani, ijo niwinekagha wandu wa Israeli. Kudume mundu umweri kufuma kwa kula kichuku, uko kilongozi aghadi yawo.”

³Niko Musa ukawiduma kufuma kireti cha Parani, kunughana na malaghiro gha BWANA; wose werekoghe vilongozi va wandu wa Israeli.

⁴Na marina ghawo ni agha: Kwa kichuku cha Reubeni, orefumieghe Shamua mwana wa Sakuri;

⁵kwa kichuku cha Simeoni, ukafuma Shafati mwana wa Hori;

⁶kwa kichuku cha Juda, ukafuma Kalebu mwana wa Jefune;

⁷kwa kichuku cha Isakari, ukafuma Igali mwana wa Josefu;

⁸kwa kichuku cha Efraimu, ukafuma Hoshea mwana wa Nuni;

⁹kwa kichuku cha Benjamini, ukafuma Palti mwana wa Rafu;

¹⁰kwa kichuku cha Zebluni, ukafuma Gadieli mwana wa Sodi;

¹¹kwa kichuku cha Josefu, (kufumanya na Manase) ukafuma Gadi mwana wa Susi;

¹²kwa kichuku cha Dani ukafuma Amieli mwana wa Gemali;

¹³kwa kichuku cha Asheri, ukafuma Sethuri mwana wa Mikaeli;

¹⁴kwa kichuku cha Naftali, ukafuma Nabi mwana wa Wofsi;

¹⁵kwa kichuku cha Gadi, ukafuma Geueli mwana wa Maki.

¹⁶Agha nigho marina gha wandu awo Musa orewidumieghe wiendejizighana isanga. Na Musa ukammbanga Hoshea mwana wa Nuni, Joshua.

¹⁷Musa ukawiduma wiendejizighana isanga ja Kanaani, ukawizera, “Jokenyi mghende akimonu aja Negebu, sena mjoke isanga ja mighondinyi,

¹⁸mmbone seji isanga jiko; ngera wandu wikaiagha aho ni wa ndighi, angu ni wanyonge; ngera ni watini, angu ni wengi;

¹⁹na ngera ijo isanga wawuyajikaia jaboie, angu jazamie; na ngera iyo mizi wawuyaikaia ni kambi, angu ni mizi ya ngome;

²⁰ngera isanga janorie angu ni ikara; na ngera jawadie midi, angu ndejina. Mkaie na ngolo, mudo matunda ghamu gha ijo isanga.” Ngelo iyo erekoghe kimu cha kuwurwa kwa zabibu ra imbiri.

²¹Nao wikaghenda, wikajizighana isanga; kufuma kireti cha Sini, hata Rehobu kaavui na kungia Hamathi.

²²Wikajoka, wikangia Negebu, hata wikacha Hebroni; andu kichuku cha Ahimani, Sheshai, na Talimai wa kivalwa cha Anaki werekoghe. (Muzi ghwa Hebroni ghoreaghiloghe miaka mfungade imbiri Soani ghwa Misri ghuseaghilo.)

²³Nao wikavika vololo ya Eshkoli, wikadema lumbashu luko na changa chimweri cha zabibu, na wandu wawi wikaluduka na mzeghe-zeghe; wikadwa makomamanga ghamu, na tini wori.

²⁴Aho korewangiloghe vololo ya Eshkoli[2] kwa wundu ghwa icho changa wandu wa Israeli werechidemieghe.

²⁵Niko awo wandu wikawuya nyuma ya kujizighana ijo isanga kutua kwa matuku mirongo ina.

²⁶Wikacha kwa Musa na Haruni, na izungu ja wandu wa Israeli jose jerekoghe Kadeshi, kireti cha Parani; wikawiredia wandu malagho, na kuwiwonyera matunda gha isanga.

²⁷Wikamzera Musa, “Derevikieghe ijo isanga koredidumieghe, ni isanga jinorie nandighi na matunda gharo nigho agha.

²⁸Elaima, waisanga ni wandu wiko na ndighi, na mizi ni ya ngome, nayo ni mibaa nandighi, na isekate, dawiwonie wandu wa kivalwa cha Anaki aho.

²⁹Waamaleki, wadakaia isanga ja Negebu; Wahiti, Wajebusi, na Waamori, wadakaia isanga ja mighondinyi; na Wakanaani wadakaia mbai mbai ya bahari na kaavui na Jordani.”

³⁰Ela Kalebu ukawinyamirisha wandu imbiri ya Musa, ukawizera, “Ndedijoke shwa wori dijingie; angu deko na ndighi resima.”

³¹Awo wandu wereghendanyeghe nao wikaghamba, “Ndedidimagha kujoka na kulwa na awo wandu, kwa kukaia wadichumbie ndighi.”

³²Kwa huwo wikawiredia wandu wa Israeli malagho ghizamie gha ijo isanga wereghendieghe kujizighana wikighamba, “Isanga dereghendieghe kujizighana na kuida aghadi yaro, jadaja wandu waro,[3] na wandu wose diwiwonie aho ni wabaa loli-loli.

³³Aho dawiwonie Wanefilimu (Wana wa Anaki, kivalwa cha Wanefilimu) nesi dikaakuwona diweni sa weke mwapazi; nawo niko koni werediwonieghe.”