Read TAITA BIBLE – Biblia Ilagho Jiboie Kwa Wandu Wose MITALO 26 Bible Online

MITALO 26 - TAITA BIBLE – Biblia Ilagho Jiboie Kwa Wandu Wose bible

MITALO 26

¹Nyuma ya iyo saka ya ngawawi, BWANA ukamzera Musa na Eleazari mwana wa mkohani Haruni,

²“Tala wandu, izungu jose ja wandu wa Israeli kufuma wandu wa irika ja miaka mirongo iwi na kuchumba, kunughana na vichuku vawo, awo wose widimagha kughenda wudenyi.”

³Musa na mkohani Eleazari wikaghora na wandu aho kirindinyi cha Moabu, Moda ghwa Jordani nakimonu, kulangaya Jeriko wikighamba,

⁴“Talenyi wandu wiko wa irika ja miaka mirongo iwi na kuchumba; sa iji koni BWANA oremlaghirieghe Musa.” Wandu wa Israeli awo werefumieghe Misri werekoghe huwu:

⁵Reubeni orekoghe mwana wa imbiri wa Israeli; na wana wake chiaimweri na vivalwa vawo niwo awa: Hanoku, Palu, na

⁶Hezroni na Karmi.

⁷Awo niwo kichuku cha Reubeni, na mtalo ghwawo ghorekoghe elfu mirongo ina na idadu, maghana mfungade na mirongo idadu.

⁸Mwana wa Palu odeeka umweri, Eliabu;

⁹na wana wake ni Nemueli, Dathani, na Abiramu. Uhu Dathani na Abiramu, niwo weni waja weresaghuloghe aghadi ya izungu, wikawadana na Kora, wikabonya nganyi na Musa na Haruni, wikimdedia BWANA kiwiwi,

¹⁰ima ndoe ikabarikagha na kuwimila chiaimweri na Kora. Ngelo iyo wandu werefueghe, na modo ghukawikora wandu maghana awi na mirongo misanu, nawo wikakaia maonyo kwa wazima.

¹¹Elaima sena, wana wa Kora ndewerefueghe anduangi.

¹²Wana wa Simeoni kunughana na nyumba rawo, chiaimweri na vivalwa vawo niwo awa: Nemueli, Jamini, Jakini,

¹³Sera na Shauli.

¹⁴Awo niwo kivalwa cha Simeoni; wandu elfu mirongo iwi na iwi na maghana awi.

¹⁵Wana wa Gadi kunughana na nyumba rawo chiaimweri na vivalwa vawo niwo awa: Sefoni, Hagi, Shuni,

¹⁶Ozni, Eri,

¹⁷Arodi na Areli.

¹⁸Awo niwo kichuku cha Gadi kunughana na mtalo ghwawo; wandu elfu mirongo ina na maghana masanu.

¹⁹Wana wa Juda Eri na Onani, werefueghe isanga ja Kanaani

²⁰awamu kunughana na nyumba rawo chiaimweri na vivalwa vawo niwo awa: Shela, Perezi na Zera.

²¹Wana wa Perezi chiaimweri na vivalwa vawo werekoghe: Hezroni na Hamuli.

²²Awo niwo kivalwa cha Juda kunughana na mtalo ghwawo; wandu elfu mirongo mfungade na irandadu na maghana masanu.

²³Wana wa Isakari kunughana na nyumba rawo chiaimweri na vivalwa vawo niwo awa: Tola, Puva,

²⁴Jashubu na Shimroni.

²⁵Awo niwo kivalwa cha Isakari kunughana na mtalo ghwawo; wandu elfu mirongo irandadu na inya maghana adadu.

²⁶Wana wa Zebluni kunughana na nyumba rawo, chiaimweri na vivalwa vawo niwo awa: Seredi, Eloni na Jahileeli.

²⁷Awo niwo kivalwa cha Zebluni kunughana na mtalo ghwawo; wandu elfu mirongo irandadu na maghana masanu.

²⁸Wana wa Josefu kunughana na nyumba rawo chiaimweri na vivalwa vawo niwo awa: Manase na Efraimu.

²⁹Manase orekoghe na mwana umweri Makiri; nao oremvaeghe Gileadi.

³⁰Kivalwa cha Gileadi chiaimweri na nyumba rawo ni: Lezeri, Heleki,

³¹Asirieli, Shekemu,

³²Shemida na Heferi.

³³Selofehadi mwana wa Heferi nderenee wana wa womi, ela odeeka na wa waka. Marina ghawo nigho agha: Mahla, Noa, Hogla, Milka, na Tirza.

³⁴Awo niwo kivalwa cha Manase, na mtalo ghwawo ghorekoghe elfu mirongo misanu na iwi maghana mfungade.

³⁵Awa niwo wana wa Efraimu kunughana na nyumba rawo: chiaimweri na vivalwa vawo: Shuthela, Becheri na Tahani.

³⁶Shuthela odeeka na mwana umweri Erani.

³⁷Awo niwo kivalwa cha Efraimu kunughana na mtalo ghwawo wandu elfu mirongo idadu na iwi na maghana masanu. Icho nicho kuchuku cha Josefu, kunughana na nyumba rawo.

³⁸Wana na Benjamini kunughana na nyumba rawo, chiaimweri na vivalwa vawo niwo awa: Bela, Ashbeli, Ahiramu na

³⁹Shefufamu.

⁴⁰Wana wa Bela chiaimweri na vivalwa vawo ni Ardi na Naamani.

⁴¹Awo niwo kichuku cha Benjamini; mtalo ghawo ghorekoghe wandu elfu mirongo ina na wasanu na maghana arandadu.

⁴²Dani orekoghe na mwana umweri, Shuhamu. Icho nicho kivalwa cha Dani kunughana na seji cherekoghe.

⁴³Kivalwa chose cha Shuhamu kunughana na mtalo ghwawo, cherekoghe wandu elfu mirongo irandadu na inya, na maghana ana.

⁴⁴Wana wa Asheri kunughana na nyumba rawo chiaimweri na vivalwa vawo niwo awa: Imna, na Ishvi; na Beria.

⁴⁵Wana wa Beria chiaimweri na vivalwa vawo ni Heberi Melkieli.

⁴⁶Asheri orekoghe na mwai umweri orewangwaghwa Sera.

⁴⁷Awa niwo kivalwa cha Asheri kunughana na mtalo ghwawo, wandu elfu mirongo misanu na idadu na maghana ana.

⁴⁸Wana wa Naftali kunughana na nyumba rawo chiaimweri na vivalwa vawo niwo awa: Jahizeeli, Guni, na nyumba yake,

⁴⁹Jeseri na Shilemu.

⁵⁰Awo niwo kivalwa cha Naftali kunughana na mtalo ghwawo, wandu elfu mirongo ina na isanu na maghana ana.

⁵¹Mtalo ghwa wandu wa Israeli wose, ghorekoghe elfu maghana arandadu na imweri, maghana mfungade na mirongo idadu.

⁵²Niko BWANA ukamzera Musa,

⁵³“Wandu wichawaghilwa isanga jikaie ifwa jawo kunughana na mtalo ghwa marina.

⁵⁴Kivalwa kibaa kuchiwaghie ifwa ibaa; na kivalwa kitini kuchiwaghie ifwa itini. Kula kivalwa chiwaghilo ifwa kunughana na mtalo ghwawo.

⁵⁵Ela isanga jichawaghwa kwa kukaba kura, nawo wichajikaia kunughana na marina gha weke ndee.

⁵⁶Ifwa jichawaghwa kunughana na kura ikabwagha aghadi ya mbari mbaa na mbari ndini.”

⁵⁷Walawi weretaliloghe kunughana na nyumba rawo sa huwu: kichuku cha Gershoni, na cha Kohathi; na cha Merari.

⁵⁸Kivalwa chawo chereranganeghe na kichuku cha Libni, na cha Hebroni, na cha Mahili, na cha Mushi, na cha Kora. Kohathi orekoghe ndee Amramu.

⁵⁹Mka-Amramu orewangwaghwa Jokebedi mwai wa Lawi, orevailoghe Misri, nao ukamvaia Amramu wana wa womi wawi, Haruni na Musa, na mruna wa waka Miriamu.

⁶⁰Haruni orewivaeghe Nahabu, Abihu, Eleazari na Ithamari.

⁶¹Ela Nadabu na Abihu werefueghe iji werefunyireghe kizongona cha modo ghuseelie imbiri ya BWANA.

⁶²Walawi awo weretaliloghe, wandu wa womi kufuma wa mori ghumweri na kuchumba, werekoghe elfu mirongo iwi na idadu. Walawi ndeweretaliloghe chia imweri na wandu wa Israeli angu wiserenekeloghe ifwa jingi aghadi ya wandu wa Israeli.

⁶³Awo niwo wandu wa Israeli weretaliloghe ni Musa na mkohani Eleazari; nawo werewitalieghe kirindinyi cha Moabu, Jordani nakimonu, kulangaya Jeriko.

⁶⁴Ela aghadi yawo, ndekorekoghe na mndungi wa awo wandu weretaliloghe ni Musa na mkohani Haruni iji weretalagha wandu kireti cha Sinai anduangi.

⁶⁵Angu BWANA odewizera kukaia “Wichafuya kireti.” Kwa huwo mndungi wawo nderekoghe wasigharika, ela Kalebu mwana wa Jefune na Joshua mwana wa Nuni.