Read TAITA BIBLE – Biblia Ilagho Jiboie Kwa Wandu Wose MITALO 7 Bible Online

MITALO 7 - TAITA BIBLE – Biblia Ilagho Jiboie Kwa Wandu Wose bible

MITALO 7

¹Ituku Musa udungie Hema ekwania, oreishingieghe mavuda na kuiwika wakfu chiaimweri na vilambo varo vose, andwamweri na madhabahu na vilambo varo vose.

²Vilongozi va Israeli, wabaa wa nyumba rawo, na vilongozi va vichuku awo werewikiloghe wabaa wetala wandu,

³wereredieghe mafunyo ghawo imbiri ya BWANA, wikareda magare ghekokota arandadu ghifinikiro, na ng'ombe ikumi na iwi; igare jimweri kwa vilongozi viwi, na kula kilongozi njau imweri; nawo wikavifunya imbiri ya Hema.

⁴Niko BWANA ukamzera Musa,

⁵“Wada ivi vilambo kufuma kwawo vipate kutumilwa andenyi ya Hema ekwania. Vineke Walawi, kula umu kunughana na wudumiki ghwake.”

⁶Musa ukaghiwada magare na ng'ombe, ukawineka Walawi.

⁷Wana wa Gershoni, orewinekieghe magare awi na ng'ombe inya kunughana na wudumiki ghwawo.

⁸Wana wa Merari ukawineka magare ana na ng'ombe wunyanya kunughana na wudumiki ghwawo ugho ghorekoghe ghukilongozwa ni Ithamari mwana wa mkohani Haruni.

⁹Ela wana wa Kohathi, Musa nderewinekieghe kindo chingi anduangi; angu awo werekoghe wikivilindia ivo vilambo va wueli verekoghe vikidukwa na ionge.

¹⁰Ituku madhabahu erewikiloghe wakfu, vilongozi werefunyireghe mafunyo na kughiwika imbiri ya madhabahu.

¹¹BWANA ukamzera Musa, “Kula ituku, kilongozi umweri uchafunya mafunyo ghake, kwa wundu ghowika madhabahu wakfu.”

¹²Mundu orezoeghe kufunya ifunyo jake ituku ja imbiri ni Nashoni mwana wa Aminadabu wa kichuku cha Juda.

¹³Ifunyo jake jerekoghe sahani imweri ya feza iko na wulemeri ghwa kilo imweri na nusu, na beseni imweri ya feza ya gramu maghana wunyanya, kunughana na kipimo chiwikilo cha Andu kwa Wueli. Rose rerekoghe richue mufu ghudendere ghuranganyiro na mavuda kwa wundu ghwa kizongona cha viro.

¹⁴Bakuli imweri ya dhahabu ya gramu ighana na ikumi ichue marumba;

¹⁵mwanwanjau umweri, bauru imweri, mwana wa ng'ondi wa womi umweri wa mwaka ghumweri, kwa wundu ghwa kizongona chekora,

¹⁶fwandi imweri ikaie kizongona kwa wundu ghwa kaung'a.

¹⁷Sena ukareda kwa wundu ghwa kizongona cha mapatano, njau iwi, bauru isanu, fwandi isanu, na wana wa ng'ondi wasanu wa womi wa mwaka ghumweri. Ijo nijo jerekoghe ifunyo ja Nashoni mwana wa Aminadabu.

¹⁸Ituku ja kawi, Nethaneli mwana wa Suari kilongozi wa kichuku cha Isakari, orefunyireghe ifunyo.

¹⁹Nao orefunyireghe ifunyo jake huwu: sahani imweri ya feza, iko na wulemeri ghwa kilo imweri na nusu, beseni imweri ya feza ya gramu maghana wunyanya, kunughana na kipimo chiwikilo cha Andu kwa Wueli. Rose rerekoghe richue mufu ghudendere ghuranganyiro na mavuda, kwa wundu ghwa kizongona cha viro.

²⁰Bakuli imweri ya dhahabu ya gramu ighana na ikumi, ichue marumba,

²¹mwanwanjau umweri, bauru imweri, mwanwang'ondi wa womi umweri wa mwaka ghumweri kwa wundu ghwa kizongona chekora,

²²fwandi imweri ikaie kizongona kwa wundu ghwa kaung'a.

²³Sena ukareda kwa wundu ghwa kizongona cha mapatano, njau iwi, bauru isanu, fwandi isanu, na wana wa ng'ondi wasanu wa womi wa mwaka ghumweri. Ijo nijo jerekoghe ifunyo ja Nethaneli mwana wa Suari.

²⁴Ituku ja kadadu jerekoghe ja Eliabu mwana wa Heloni, kilongozi wa kichuku cha Zebluni.

²⁵Ifunyo jake jerekoghe sahani imweri ya feza, iko na wulemeri ghwa kilo imweri na nusu, beseni imweri ya feza ya gramu maghana wunyanya kunughana na kipimo chiwikilo cha Andu kwa Wueli. Rose rerekoghe richue mufu ghudendere ghuranganyiro na mavuda, kwa wundu ghwa kizongona cha viro.

²⁶Bakuli imweri ya dhahabu ya gramu ighana na ikumi ichue marumba;

²⁷mwanwanjau umweri, bauru imweri, mwana wa ng'ondi umweri wa womi wa mwaka ghumweri, kwa wundu ghwa kizongona chekora,

²⁸fwandi imweri ikaie kizongona kwa wundu ghwa kaung'a.

²⁹Sena ukareda kwa wundu ghwa kizongona cha mapatano, njau iwi, bauru isanu, fwandi isanu, na wana wa ng'ondi wasanu wawomi wa mwaka ghumweri. Ijo nijo jerekoghe ifunyo ja Eliabu mwana wa Heloni.

³⁰Ituku ja kana jerekoghe ja Elisuri mwana wa Shedeuri kilongozi wa kichuku cha Reubeni.

³¹Ifunyo jake jerekoghe sahani imweri ya feza, iko na wulemeri ghwa kilo imweri na nusu, beseni imweri ya feza ya gramu maghana wunyanya, kunughana na kipimo chiwikilo cha Andu kwa Wueli. Rose rerekoghe richue mufu ghudendere ghuranganyiro na mavuda, kwa wundu ghwa kizongona cha viro.

³²Bakuli imweri ya dhahabu ya gramu ighana na ikumi, ichue marumba;

³³mwanwanjau umweri, bauru imweri, mwana wa ng'ondi umweri wa mwaka ghumweri, kwa wundu ghwa kizongona chekora,

³⁴fwandi imweri ikaie kizongona kwa wundu ghwa kaung'a.

³⁵Sena ukareda kwa wundu ghwa kizongona cha mapatano, njau iwi, bauru isanu, fwandi isanu, na wana wa ng'ondi wasanu wa womi wa mwaka ghumweri. Ijo nijo jerekoghe ifunyo ja Elisuri mwana wa Shedeuri.

³⁶Ituku ja kasanu jerekoghe ja Shelumieli mwana wa Surishadai, kilongozi wa kichuku cha Simeoni.

³⁷Ifunyo jake jerekoghe sahani imweri ya feza, iko na wulemeri ghwa kilo imweri na nusu, beseni imweri ya feza iko na wulemeri ghwa gramu maghana wunyanya, kunughana na kipimo chiwikilo cha Andu kwa Wueli. Rose rerekoghe richue mufu ghudendere ghuranganyiro na mavuda, kwa wundu ghwa kizongona cha viro.

³⁸Bakuli imweri ya dhahabu ya gramu ighana na ikumi ichue marumba;

³⁹mwanwanjau umweri, bauru imweri, mwana wa ng'ondi umweri wa womi wa mwaka ghumweri kwa wundu ghwa kizongona chekora;

⁴⁰fwandi imweri ikaie kizongona kwa wundu ghwa kaung'a.

⁴¹Sena ukareda kwa wundu ghwa kizongona cha mapatano, njau iwi, bauru isanu, fwandi isanu, na wana wa ng'ondi wasanu wa womi wa mwaka ghumweri. Ijo nijo jerekoghe ifunyo ja Shelumieli mwana wa Surishadai.

⁴²Ituku ja karandadu jerekoghe ja Eliasafu mwana wa Deueli, kilongozi wa kichuku cha Gadi.

⁴³Ifunyo jake jerekoghe sahani imweri ya feza, iko na wulemeri ghwa kilo imweri na nusu, beseni imweri ya feza, iko na wulemeri ghwa gramu maghana wunyanya kunughana na kipimo chiwikilo cha Andu kwa Wueli. Rose rerekoghe richue mufu ghudendere, ghuranganyiro na mavuda, kwa wundu ghwa kizongona cha viro.

⁴⁴Bakuli imweri ya dhahabu ya gramu ighana na ikumi ichue marumba;

⁴⁵mwanwanjau umweri, bauru imweri, mwana wa ng'ondi wa womi wa mwaka ghumweri kwa wundu ghwa kizongona chekora,

⁴⁶fwandi imweri ikaie kizongona kwa wundu ghwa kaung'a.

⁴⁷Sena ukareda kwa wundu ghwa kizongona cha mapatano, njau iwi, bauru isanu, fwandi isanu, na wana wa ng'ondi wa womi wasanu wa mwaka ghumweri. Ijo nijo jerekoghe ifunyo ja Eliasafu mwana wa Deueli.

⁴⁸Ituku ja mfungade jerekoghe ja Elishama mwana wa Amihudi, kilongozi wa kichuku cha Efraimu.

⁴⁹Ifunyo jake jerekoghe sahani imweri ya feza, iko na wulemeri ghwa kilo imweri na nusu, beseni imweri ya feza, iko na wulemeri ghwa gramu maghana wunyanya kunughana na kipimo chiwikilo cha Andu kwa wueli. Rose rerekoghe richue mufu ghudendere, ghuranganyiro na mavuda, kwa wundu ghwa kizongona cha viro.

⁵⁰Bakuli imweri ya dhahabu ya gramu ighana na ikumi ichue marumba;

⁵¹mwanwanjau umweri, bauru imweri, mwana wa ng'ondi umweri wa womi wa mwaka ghumweri kwa wundu ghwa kizongona chekora,

⁵²fwandi imweri ikaie kizongona kwa wundu ghwa kaung'a.

⁵³Sena ukareda kwa wundu ghwa kizongona cha mapatano, njau iwi, bauru isanu, fwandi isanu, na wana wa ng'ondi wasanu wa womi wa mwaka ghumweri. Ijo nijo jerekoghe ifunyo ja Elishama mwana wa Amihudi.

⁵⁴Ituku ja wunyanya jerekoghe ja Gamalieli mwana wa Pedasuri kilongozi wa kichuku cha Manase.

⁵⁵Ifunyo jake jerekoghe sahani imweri ya feza, iko na wulemeri ghwa kilo imweri na nusu, beseni imweri ya feza iko na wulemeri ghwa gramu maghana wunyanya, kunughana na kipimo chiwikilo cha Andu kwa Wueli. Rose rerekoghe richue mufu ghudendere ghuranganyiro na mavuda, kwa wundu ghwa kizongona cha viro.

⁵⁶Bakuli imweri ya dhahabu ya gramu ighana na ikumi ichue marumba,

⁵⁷mwanwanjau umweri, bauru imweri, mwana wa ng'ondi umweri wa mwaka ghumweri kwa wundu ghwa kizongona chekora

⁵⁸fwandi imweri ikaie kizongona kwa wundu ghwa kaung'a.

⁵⁹Sena ukareda kwa wundu ghwa kizongona cha mapatano njau iwi, bauru isanu, fwandi isanu, na wana wa ng'ondi wasanu wa womi wa mwaka ghumweri. Iji nijo jerekoghe ifunyo ja Gamalieli mwana wa Pedasuri.

⁶⁰Ituku ja ikenda jerekoghe ja Abidani mwana wa Gideoni kilongozi wa kichuku cha Benjamini.

⁶¹Ifunyo jake jerekoghe sahani imweri ya feza iko na wulemeri ghwa kilo imweri na nusu, beseni imweri ya feza iko na wulemeri ghwa gramu maghana wunyanya kunughana na kipimo chiwikilo cha Andu kwa Wueli. Rose rerekoghe richue mufu ghudendere ghuranganyiro na mavuda, kwa wundu ghwa kizongona cha viro.

⁶²Bakuli imweri ya dhahabu ya gramu ighana na ikumi ichue marumba;

⁶³mwanwanjau umweri, bauru imweri, mwana wa ng'ondi umweri wa mwaka ghumweri kwa wundu ghwa kizongona chekora,

⁶⁴fwandi imweri ikaie kizongona kwa wundu ghwa kaung'a.

⁶⁵Sena ukareda kwa wundu ghwa kizongona cha mapatano, njau iwi, bauru isanu, fwandi isanu, na wana wa ng'ondi wasanu wa womi wa mwaka ghumweri. Ijo nijo jerekoghe ifunyo ja Abidani mwana wa Gideoni.

⁶⁶Ituku ja ikumi, jerekoghe ja Ahiezeri mwana wa Amishadai, kilongozi wa kichuku cha Dani.

⁶⁷Ifunyo jake jerekoghe sahani imweri ya feza iko na wulemeri ghwa kilo imweri na nusu, beseni imweri iko na wulemeri ghwa gramu maghana wunyanya, kunughana na kipimo chiwikilo cha Andu kwa Wueli. Rose rerekoghe richue mufu ghudendere ghuranganyiro na mavuda, kwa wundu ghwa kizongona cha viro.

⁶⁸Bakuli imweri ya dhahabu ya gramu ighana na ikumi, ichue marumba;

⁶⁹mwanwanjau umweri, bauru imweri, mwana wa ng'ondi umweri wa womi wa mwaka ghumweri kwa wundu ghwa kizongona chekora;

⁷⁰fwandi imweri ikaie kizongona kwa wundu ghwa kaung'a;

⁷¹sena ukareda kwa wundu ghwa kizongona cha mapatano, njau iwi, bauru isanu, fwandi isanu, na wana wa ng'ondi wasanu wa womi wa mwaka ghumweri. Ijo nijo jerekoghe ifunyo ja Ahiezeri mwana wa Amishadai.

⁷²Ituku ja ikumi na imweri, jerekoghe ja Pagieli mwana wa Okrani, kilongozi wa kichuku cha Asheri.

⁷³Ifunyo jake jerekoghe sahani imweri ya feza, iko na wulemeri ghwa kilo imweri na nusu, beseni imweri ya feza iko na wulemeri ghwa gramu maghana wunyanya, kunughana na kipimo chiwikilo cha Andu kwa Wueli. Rose rerekoghe richue mufu ghudendere ghuranganyiro na mavuda, kwa wundu ghwa kizongona cha viro.

⁷⁴Bakuli imweri ya dhahabu ya gramu ighana na ikumi ichue marumba;

⁷⁵mwanwanjau umweri, bauru imweri, mwana wa ng'ondi umweri wa womi wa mwaka ghumweri kwa wundu ghwa kizongona chekora;

⁷⁶fwandi imweri ikaie kizongona kwa wundu ghwa kaung'a.

⁷⁷Sena ukareda kwa wundu ghwa kizongona cha mapatano, njau iwi, bauru isanu, fwandi isanu, na wana wa ng'ondi wa womi wasanu wa mwaka ghumweri. Ijo nijo jerekoghe ifunyo ja Pagieli mwana wa Okrani.

⁷⁸Ituku ja ikumi na iwi jerekoghe ja Ahira mwana wa Enani, kilongozi wa kichuku cha Naftali.

⁷⁹Ifunyo jake jerekoghe sahani imweri ya feza, iko na wulemeri ghwa kilo imweri na nusu, beseni imweri ya feza iko na wulemeri ghwa gramu maghana wunyanya, kunughana na kipimo chiwikilo cha Andu kwa Wueli. Rose rerekoghe richue mufu ghudendere ghuranganyiro na mavuda, kwa wundu ghwa kizongona cha viro.

⁸⁰Bakuli imweri ya dhahabu ya gramu ighana na ikumi ichue marumba;

⁸¹mwanwanjau umweri, bauru imweri, mwana wa ng'ondi umweri wa womi wa mwaka ghumweri kwa wundu ghwa kizongona chekora;

⁸²fwandi imweri ikaie kizongona kwa wundu ghwa kaung'a.

⁸³Sena ukareda kwa wundu ghwa kizongona cha mapatano, njau iwi, bauru isanu, fwandi isanu, na wana wa ng'ondi wasanu wa womi wa mwaka ghumweri. Ijo nijo jerekoghe ifunyo ja Ahira mwana wa Enani.

⁸⁴Agho nigho mafunyo gha vilongozi va Israeli wereghifunyireghe kwa kuiwika iyo madhabahu wakfu ituku ijo: Sahani ikumi na iwi ra feza, beseni ikumi na iwi ra feza, na bakuli ikumi na iwi ra dhahabu.

⁸⁵Kula sahani ya feza erekoghe na wulemeri ghwa kilo imweri na nusu, na kula beseni ya feza erekoghe na wulemeri ghwa gramu maghana wunyanya. Wulemeri ghwa vilambo va feza vose ghorekoghe kilo mirongo iwi na mfungade na pointi irandadu, kunughana na vipimo viwikilo va Andu kwa Wueli.

⁸⁶Iro bakuli ikumi na iwi ra dhahabu richue marumba, rerekoghe na wulemeri ghwa gramu ighana na ikumi kula imu, kunughana na kipimo chiwikilo cha Andu kwa Wueli; wulemeri ghwa dhahabu yose ya iro bakuli ghorekoghe kilo imweri na pointi mirongo idadu na iwi.

⁸⁷Mfugho rose rereredeloghe kwa wundu ghwa vizongona vekora rerekoghe njau ikumi na iwi, bauru ikumi na iwi, wana wang'ondi wa womi ikumi na wawi wa mwaka ghumweri, chiaimweri na vizongona varo va viro. Fwandi ikumi na iwi rerefunyiroghe vizongona kwa wundu ghwa kaung'a.

⁸⁸Mfugho rose rerefunyiroghe kwa wundu ghwa vizongona va mapatano ni njau mirongo iwi na inya, bauru mirongo irandadu, fwandi mirongo irandadu, na wana wa ng'ondi wa womi wa mwaka ghumweri mirongo irandadu. Agho nigho gherekoghe mafunyo gherefunyiroghe kwa wundu ghoiwika iyo madhabahu wakfu.

⁸⁹Nao iji Musa wangia andenyi ya Hema ekwania kughora na BWANA, ukasikira lwaka lwa BWANA lukighora nao kufuma naighu ya kilemeko, icho kifumbi cha wughoma cherekoghe aighu ya Sanduku ya Ilaghano, chiko na makerubi awi.