Read TAITA BIBLE – Biblia Ilagho Jiboie Kwa Wandu Wose ZEKARIA 10 Bible Online

ZEKARIA 10 - TAITA BIBLE – Biblia Ilagho Jiboie Kwa Wandu Wose bible

ZEKARIA 10

¹Mlombenyi BWANA vua ngelo ya kimu cha mwaka. BWANA nuo uredagha iwingu ja vua na mshushure; nuo ubonyagha mbuwa rikaie na miwalwa ideghedekie kwa kula mundu.

²Wandu weelaghaya sa ng'ondi wikilola njama kwa milimu; walaghui wiaghora malagho gha tee; wandu wamu wiafasiri ndodo ra tee relaghasha; waja wasi kwa kusowa kilongozi.

³BWANA waghamba, “Nakaia na machu kwa waghenyi wiwibonyeragha wandu wapo nguma, nani nichawikaba. Wandu wa Juda ni wapo, na ini BWANA Uwadie-Ndighi-Rose nichawilindia. Wichawuya farasi rapo ra wuda riwadie ndighi.

⁴Igho ja mbembenyi jichafuma Juda, kikosi cha hema chichafuma mzawo, ndana ya wuda ichafuma mzawo, na kula m'bonyi nguma uchafuma mzawo.

⁵Wandu wa Juda wichakaia wasimi sa masikari wifashagha wamaiza wawo a mazozonyi chienyi. Wichalwa na kuwisima wajoki farasi, angu BWANA oko andwamweri nawo.

⁶“Nichawibonya wandu wa Juda wikaie na ndighi; nichawikira wandu wa Israeli. Nichakaia na wughoma nawo, na kuwiwunja wose mzawo. Wichakaia seji serewileghieghe jingi. Ini ne BWANA Mlungu wawo; nani nichatumbulia malombi ghawo.

⁷Wandu wa Israeli wichakaia na ndighi sa masikari; wichakaia na kuboilwa sa wandu wanywa divei. Wana wawo wichakumbuka wusimi ughu na kuboilwa, kwa wundu ghwa agho BWANA ughibonyere.

⁸“Nichawiwanga wandu wapo na kuwikwanya chiaimweri. Nichawikombua na kuwibonya wichurikie sa kala.

⁹Hata ngera nerewisaghisireghe aghadi ya mbari ra wandu, ela sena wichanikumbuka wiko ahoeni masanga gha kula; nawo, chiaimweri na wana wawo wichakaia moyo na kuwuya sena isangenyi.

¹⁰Nichawireda kufuma Misri na Ashuru, na kuwivikisha mzinyi isangenyi kwawo koni. Nichawikaisha Gileadi na Lebanoni, na isanga jose jichachulwa ni wandu.

¹¹Wikaida aghadi ya bahari ya wasi ghwawo; ini BWANA nichaikaba mivo-mivo ya bahari, na andu kumilie kose kwa Moda ghwa Naili kuchaoma. Waashuru wikukasire wichaserwa na mang'oni gha wandu wa Misri wichalaghasha ndighi rawo.

¹²Nichawibonya wandu wapo wikaie na ndighi, wichanitasa na kunisikira.” Ini BWANA naghamba.