Read TAITA BIBLE – Biblia Ilagho Jiboie Kwa Wandu Wose MALAKI 1 Bible Online

MALAKI 1 - TAITA BIBLE – Biblia Ilagho Jiboie Kwa Wandu Wose bible

MALAKI 1

¹Iji ni ilagho ja BWANA oremnekieghe Malaki uwighorie wandu wa Israeli.

²BWANA wawizerie wandu wake, “Ini namkunde matuku ghose.” Ela wandu wake wawuyaghamba, “Oho kwadikunde wada?” BWANA ukawitumbulia, “Welee, Esau nderekoghe mruna Jakobo? Ela sena ini neemkunda Jakobo,

³na kummenya Esau. Nabonyere isanga jake ja mighondinyi jisigho iduu, na kukailwa ni mizozo ya kireti.”

⁴Iji Waedomu waghamba, “Hata ngera mizi yedu yavuchulwa, ela dichaagha sena maghacho gharo,” BWANA Uwadie-Ndighi-Rose uchawitumbulia, “Ndewiaghe tu. Nichaichikanya hata wiwango, ‘Isanga ja wuwiwi na wandu wileghelo ni Mlungu kwa kala na kala.’”

⁵Wandu wa Israeli wichawona agho na meso ghawo, nawo wichaghamba, “BWANA wawadie ndighi hata shighadi ya isanga ja Israeli.”

⁶BWANA Uwadie-Ndighi-Rose wawizera wakohani, “Mwana wamnekagha ndee ishima na mdumiki wamnekagha bwana wake ishima. Ikakaia ini ne ndeyo, kwaki mseninekagha ishima? Na ikakaia ne bwana, kwaki mseninekagha ishima? Mwanimenyere; nenyo mwaawuyakotia, ‘Dakumenyere wada?’

⁷Mwanimenyere kwa kufunya vindo vizamie aighu ya madhabahu yapo. Nenyo mwaawuyaghamba, ‘Ivi vindo vazamie wada?’ Kwa kuimenya madhabahu yapo.

⁸Welee, iji munifunyiragha nyamandu rifue meso, angu mkongo, angu wakelemeri, rikaie kizongona, ugho si wuwiwi? Oke funya iyo nyamandu kwa m'baa wako wa isanga ngera uirumiria na kuboilwa ni oho?”

⁹Na idana wakohani, mvoyenyi Mlungu upate kudifuya wughoma. Kukakoni umfuya wughoma iji mumfunyiragha vizongona sa ivo?

¹⁰BWANA Uwadie-Ndighi-Rose waghamba, “Naawuyakunda umu onyu urughe minyango ya Hekalu eri mndungi usechengia na kukora medo ya kisha-kisha aighu ya madhabahu yapo. Siwueboilwa ni inyo, na vizongona mredagha.

¹¹Wandu kufuma wurumwengu ghwa ii chia, hata kutua kwa wurumwengu ija chia wanineka ishima. Waawuyafunya na kukora vizongona virumirikiagha kwapo, kwa kukaia wawuyanitala.

¹²Ela inyo mwaawuyanisowia ishima iji mghoragha wei madhabahu yapo ndeifwane na iji mfunyagha vizongona vilue aighu yaro.

¹³Mwawuyaghamba, ‘Dasirishwa ndighi ni agho malagho.’ Nenyo mwanimenya, na kureda nyamandu riiwilo, na iro rikelemere, na iro riko wakongo, rikaie vizongona kwapo! Welee, muaghesha nadima kuvirumiria vizongona vifwane huwo kufuma konyu?

¹⁴Wawasirwa njowe uo mundu unifunyira kizongona chizamie ingelo uko na nyamandu iboie oreilaghirieghe kwa kukaia ini ne Mzuri m'baa, na wandu wa mbari rose wadaniobua ini.”