Read TAITA BIBLE – Biblia Ilagho Jiboie Kwa Wandu Wose WUKUMBUSO 22 Bible Online

WUKUMBUSO 22 - TAITA BIBLE – Biblia Ilagho Jiboie Kwa Wandu Wose bible

WUKUMBUSO 22

¹“Kukawona ng'ombe ya mwanyinyu angu ng'ondi yake yalaghaya, kuseleghe kumtesia, ela kumghenjere mwanyinyu.

²Na ikakaia ndeko kaavui na oho, angu ndekumuichi, kuido cha kwako, kukaianye nayo, hata uo mwanyinyu uilole; na oho kumneke.

³Kubonye wokoni kwa punda wake, nguwo yake, na kindo icho chose cha mwanyinyu chalaghaya na oho kuchiwone; kuseleghe kutesia.

⁴Kukawona punda angu ng'ombe ya mwanyinyu yachunuka achienyi, kuseleghe kutesia; kumtesie kuifunya.

⁵“Muka usero nguwo ya mndwawomi, na mndwawomi usero nguwo ya muka; angu uo ubonyagha maza iro, wadamzamia BWANA Mlungu wako.

⁶“Kukawona kijungu cha nyonyi a midinyi angu andonyi chiko na majana angu maghi, na mae wawuyalalia, kusewade nyonyi andwamweri na majana gharo.

⁷Kusighe mae ughende, ela kwadima kudwa majana; eri kupate kukaia nicha, na kudua moyo matuku mengi.

⁸“Kukaagha nyumba mbishi, kubonye wuriga mbai-mbai ya ipaa; eri mndungi ukapotoka na kufwa, bagha yake isekotelo kwako.

⁹“Kukawa mbuwa yako ya mizabibu kusakeranganya na miwalwa mizima; angu ivo kuchaakuwida vadima kuwuswa vose vikaie va Andu kwa Wueli; zabibu chiaimweri na ivo vizima kuwae.

¹⁰“Kusefunge ng'ombe na punda wilime chiaimweri.

¹¹“Kusero nguwo ilukilo kwa uzi wa sufu na kitani.

¹²“Kukubonyere malengeri ana mbembenyi ra nguwo yako ekumba.

¹³“Mundu ukawusa muka, na kukaia nao, ima sena umleghe,

¹⁴ukimghora kiwiwi wei ndewonie alama ra wuwai ghwake.

¹⁵“Wavi wa mwai wichawada alama ra wuwai ghwake na kurighenja mbengenyi kwa waghosi wa muzi.

¹⁶Mwai ndee uchawizera waghosi, ‘Namloworie umundu mwai wapo ukamlegha.

¹⁷Wareda mashitakio gha waya aighu yake ukighamba wei ndewonie alama ra wuwai ghwake na sena alama ra wuwai kwa mwai wapo heri.’ Niko wavi wichaala iro shiti wererilalieghe ngelo ya arusi imbiri ya waghosi wa muzi.

¹⁸Niko waghosi wa ghuja muzi wichammbwada uja mundu orelowueghe na kumdama;

¹⁹sena wichamdumbua faini vibelele va feza ighana, na kumneka mwai ndee; kwa kukaia wajinona irina ja mwai wa Israeli. Uchammbusa mkake, hata na jingi ndechaamsigha sena anduangi.

²⁰“Ela ikakaia ni loli, alama ra wuwai ghwake rasowekie,

²¹wichamfunya uo mwai mnyangonyi ghwa nyumba ya ndee, na wandu wa muzi ghwa kwawo wichamlasa na magho hata ufo; kwa kukaia wabonyere wukelu andenyi ya Israeli kwa kubonya wumalaya uko nyumbenyi kwa ndee. Na kwa iyo chia, mchainja ugho wuwiwi aghadi konyu.

²²“Mundu ukawadwa ukilala na muka wa mundu mzima, wose wichabwaghwa mndwawomi na muka. Na kwa iyo chia, mchainja ugho wuwiwi kwa Israeli.

²³“Ngera wakaia mwai ungi ukumbilo wulanga, na mndumu ukwane nao andenyi ya muzi na kulala nao,

²⁴mchawifunya shighadi wose mbengenyi ya ugho muzi andu kokwania na kuwilasa na magho hata wifo; kwa kukaia uo nderekemieghe ukikunda wutesia, na sena odeeka aeni mzinyi; na uja mundu nao odenonia mmbao muka wake. Na kwa iyo chia mchainja ugho wuwiwi aghadi konyu.

²⁵“Ela ikakaia mndumu wakwana na mwai shighadi ya muzi, na uo mwai wakumbilo wulanga, na uo mundu ummbwade na kulala nao, uo mndwawomi uekeri nuo ubwaghwagha.

²⁶Ela uo mwai msem'bonye ilagho jingi, kwa kukaia ndebonyere ikosa jingi jimfwanagha kufwa; jaafwanana na mundu wawada mmbao na kum'bwagha;

²⁷kwa kukaia oombwadia shighadi ya muzi, na mwai ukakema, ela ndekorekoghe na mndungi omvuvua.

²⁸“Ngera mndungi wakulwa ukimdidika mwai wakwana nao, na uo mwai ndekumbilo wulanga,

²⁹uo mundu wamdidika uchalipa mwai ndee vibelele va feza mirongo misanu, na kumlowua uo mwai; angu wamnona. Nao ndeidimikagha umsighe irangi jake jose.

³⁰“Mndungi uselowuo mka-ndee hata uselake nao.