Read TAITA BIBLE – Biblia Ilagho Jiboie Kwa Wandu Wose JOSHUA 12 Bible Online

JOSHUA 12 - TAITA BIBLE – Biblia Ilagho Jiboie Kwa Wandu Wose bible

JOSHUA 12

¹Awa niwo wazuri weresimiloghe ni wandu wa Israeli na kusokwa isanga jawo mashariki ya Jordani; kufuma Vololo ya Arnoni kujoka Vololo ya Jordani, hata cha kaskazinyi kuvikia Mghondi ghwa Hermoni.

²Umu orekoghe Sihoni mzuri wa Waamori, uo orekoghe ukikaia Heshboni, na kubonya nguma kufuma Aroeri iko mpakenyi ghwa vololo ya Arnoni, na kufuma ghadi na ghadi ya vololo hata Moda ghwa Jaboki, mpakenyi ghwa Waamoni; iyo niyo nusu ya Gileadi.

³Na isanga ja Vololo ya Jordani hata Bahari ya Galilaya cha mashariki, na noko cha Beth-jeshimothi hata Bahari ya Araba iyo Bahari ya Chumbi, cha kusinyi chia ya mishoromoto ya Pisga.

⁴Sena wikamsima mzuri Ogu wa Bashani orekoghe umu wa masighariko gha Warefai, nao orekoghe ukibonya nguma aja Ashtarothi na Edrei.

⁵Wokoni ukabonya nguma Mghondi ghwa Hermoni, Saleka na Bashani yose hata mpakenyi ghwa Geshuri na Maaka chiaimweri na nusu ya Gileadi hata mpakenyi ghwa isanga ja mzuri Sihoni wa Heshboni.

⁶Awa wazuri wawi weresimiloghe ni Musa na wandu wa Israeli; na Musa mdumiki wa BWANA, ukaneka isanga jawo kichuku cha Reubeni, Gadi, na nusu ya kichuku cha Manase jikaie ifwa jawo.

⁷Joshua na wandu wa Israeli weresimieghe wazuri wose wa isanga ja magharibi ya Jordani; kufuma Baal-gadi iko Vololo ya Lebanoni hata Mghondi ghwa Halaki cha kusinyi kaavui na Edomu. Isanga ijo, Joshua ukajiwaghia mbari ya Israeli kunughana na vichuku varo.

⁸Isanga jerewaghiloghe ni ja mighondinyi, na nyika ya mighondi ya magharibi, na vololo ya Jordani na nyika yaro, na mishoromoto yaro iko cha mashariki, na isanga jaro jiomie ja kusinyi. Isanga ijo jerekoghe ja Wahiti, na Waamori, na Wakanaani, na Waperizi, na Wahivi, na Wajebusi.

⁹Wandu wa Israeli weresimieghe wazuri wa mizi ihi: Jeriko, Ai (kaavui na Betheli),

¹⁰Jerusalemu, Hebroni,

¹¹Jarmuthi, Lakishi,

¹²Egloni, Gezeri,

¹³Debiri, Gederi,

¹⁴Horma, Aradi,

¹⁵Libna, Adulamu,

¹⁶Makeda, Betheli,

¹⁷Tapua, Heferi,

¹⁸Afeki, Lasharoni,

¹⁹Madoni, Hazori,

²⁰Shimroni Meroni, Akshafu,

²¹Taanaki, Megido,

²²Kedeshi, Jokneamu ghuko Karmeli,

²³Dori cha pwani, Goiimu cha Galilaya,

²⁴na Tirza; wose ni wazuri mirongo idadu na umweri.