Read TAITA BIBLE – Biblia Ilagho Jiboie Kwa Wandu Wose JOSHUA 15 Bible Online

JOSHUA 15 - TAITA BIBLE – Biblia Ilagho Jiboie Kwa Wandu Wose bible

JOSHUA 15

¹Nyumba ra kichuku cha Juda rerewaghiloghe isanga huwu: Ijo isanga jerevikieghe noko cha kusinyi, aho kutuonyi kwa kireti cha Sini, hata mpakenyi ghwa Edomu.

²Na mpaka ghwawo ghwa kusinyi ghuafuma aho mpakenyi ghwa Bahari ya Chumbi, ugho mwanya ghulangayagha noko cha kusinyi,

³na kughenda nokoisi cha kusinyi kufuma Akrabimu hata Sini, na kujoka nokoighu cha kusinyi ya Kadesh-barnea kuidia Hezroni hata Adari, na kughaluka noko cha Karka;

⁴ghukaendelia hata Azmoni, ghukanugha moda ghuko mpakenyi ghwa Misri hata Bahari ya Mediterania andu mpaka ghusiriagha. Ugho ni mpaka ghuko cha kusinyi ghwa Juda.

⁵Mpaka ghuko cha mashariki ni Bahari ya Chumbi; aho machi gha Moda ghwa Jordani ghingiriagha. Mpaka ghwa kaskazinyi ghukazoia aho,

⁶hata kuvikia Beth-hogla, ghukaidiria cha magharibi ya Beth-araba na kujokeria Ighonyi ja Bohani mwana wa Reubeni;

⁷ugho mpaka ghukaenda hata Debiri kufuma Vololo ya Akori, na huwo ghukaida cha magharibi ghukighaluka cha Gilgali kulangaya mishoromoto ya Adumimu iko cha kusinyi ya iyo vololo. Ghukaghenda hata ndoria ra machi gha En-shemeshi na kutua Enrogeli;

⁸ghukajoka ghukaidiria Vololo ya Hinomu, cha kusinyi ya mghondi ghwa muzi ghwa Wajebusi (nigho Jerusalemu), ghukajoka hata koighu mghondinyi, ugho ghulangayagha Vololo ya Hinomu cha magharibi; ghukaenda cha kaskazinyi kutuonyi kwa Vololo ya Refaimu.

⁹Kufuma aho, mpaka ghukaenda hata Ndoria ra Machi gha Neftoa, na kuida hata mizi iko kaavui na Mghondi ghwa Efroni, aho ghukaghaluka kulangaya Baala niyo Kiriath-jearimu.

¹⁰Ghukamara cha magharibi ya Baala kulangaya cha isanga ja mighondinyi ya Edomu, na kughenda cha kaskazinyi ya Mghondi ghwa Jearimu (nigho Kesaloni), ghukasea nokoisi cha Beth-shemeshi kuidiria Timna.

¹¹Ugho mpaka ghukaida na kujoka cha mghondinyi kaskazinyi ya Ekroni, ghukaghaluka kulangaya cha Shikeroni kuida Mghondi ghwa Baala hata kuvika Jabneeli; ghukatuia Bahari ya Mediterania,

¹²nayo chiaimweri na pwani yaro, niyo iwurie mpaka ghwa magharibi. Wandu wa Juda wikakaia andenyi ya iyo mipaka kunughana na nyumba rawo.

¹³Ifungu jimu ja isanga ja Juda jerenekeloghe Kalebu mwana wa Jefune sa iji koni BWANA oremlaghirieghe Joshua.

¹⁴Kalebu ukawiwinga wandu wa kivalwa cha Waanaki wifume ugho muzi, nawo ni kichuku cha Sheshai, Ahimani, na Talmai.

¹⁵Kufuma aho, ukaghenda kuwikaba wandu wa Debiri; muzi ughu ghorekoghe ghukiwangwa Kiriath-seferi.

¹⁶Kalebu ukaghamba, “Mundu uo ose uchaakaia wa imbiri kuwada muzi ghwa Kiriath-seferi, nichamneka mwai wapo Aksa umlowuo.”

¹⁷Nao Othinieli, mwana wa Kenazi mruna Kalebu ukaghuwada ugho muzi; niko Kalebu ukamfunya mwai wake Aksa ulowolo ni Othinieli.

¹⁸Nao iji walowolwa, ukamvoya Othinieli umrumirie uendelomba ndoe kwa ndee. Nao Aksa ukasea kufuma kwa punda wake, na ndee ukamkotia, “Kwakunde kii?”

¹⁹Ukamtumbulia, “Neekunda kuninose; angu hoku kwaniwika isanga ja kusinyi, kunineke na ndoria ra machi wori.” Niko Kalebu ukamneka ndoria ra lughu na ra naisi wori.

²⁰Iji nijo isanga kichuku cha Juda cherejipatireghe jikaie ifwa jawo kunughana na nyumba rawo.

²¹Iyo mizi werenekeloghe nokoisi cha kusinyi, iyo erekoghe kaavui na mpaka ghwa Edomu erekoghe Kabzeeli, Ederi, na Jaguri,

²²Kina, Dimona, Adada,

²³Kedeshi, Hazori, Ithnani,

²⁴Sifu, Telemu, Bealothi,

²⁵Hazori-hadata, Kerioth-hezroni (nigho Hazori),

²⁶Amamu, Shema, Molada,

²⁷Hazari-gada, Heshimoni, Beth-peleti,

²⁸Hazari-shuali, Beer-sheba, Biziothia,

²⁹Baala, Iimu, Esemu,

³⁰Eltoladi, Kesili, Horma,

³¹Siklagi, Madmana, Sansana,

³²Lebaothi, Shilihimu, Aini, na Rimoni; yose ni mizi mirongo iwi na ikenda chiaimweri na mizi yaro mitini.

³³Mizi erekoghe kirindinyi ni, Eshtaoli, Sora, Ashna,

³⁴Zanoa, En-ganimu, Tapua, Enamu;

³⁵Jarmuthi, Adulamu, Soko, Azeka,

³⁶Shaaraimu, Adithaimu, Gedera, na Gederothaimu yose ni mizi ikumi na ina chiaimweri na mizi yaro mitini.

³⁷Wokoni korekoghe na Senani, Hadasha, Migdal-gadi,

³⁸Dileani, Mispa, Joktheeli,

³⁹Lakishi, Bozkathi, Egloni,

⁴⁰Kaboni, Lahumamu, Kitlishi,

⁴¹Gederothi, Beth-dagoni, Naama na Makeda: yose ni mizi ikumi na irandadu, chiaimweri na mizi yaro mitini.

⁴²Wokoni korekoghe na Libna, Etheri, Ashani,

⁴³Ifta, Ashna, Nesibu,

⁴⁴Keila, Akzibu, na Maresha: yose ni mizi ikenda chiaimweri na mizi yaro mitini.

⁴⁵Korekoghe na Ekroni chiaimweri na mizi yaro mibaa na mitini,

⁴⁶chiaimweri na mizi mibaa na mitini erekoghe kaavui na Ashdodi, kufuma Ekroni hata Bahari ya Mediterania.

⁴⁷Korekoghe na Ashdodi na Gaza chiaimweri na mizi yaro mibaa na mitini, ivikagha hata kamoda kiko mpakenyi ghwa Misri na pwani ya Bahari ya Mediterania.

⁴⁸Na kwa isanga ja mighondinyi korekoghe na Shamiri, Jatiri, Soko,

⁴⁹Dana, Kiriath-sana, (angu Debiri),

⁵⁰Anabu, Eshtemo, Animu,

⁵¹Gosheni, Holoni, na Gilo: yose ni mizi ikumi na ghumweri, chiaimweri na mizi yaro mitini.

⁵²Korekoghe na Arabu, Duma, Eshani,

⁵³Janimu, Beth-tapua, Afeka,

⁵⁴Humta, Kiriath-araba (nigho Hebroni), na Siori: yose ni mizi ikenda chiaimweri na mizi yaro mitini.

⁵⁵Korekoghe na Maoni, Karmeli, Sifu, Juta,

⁵⁶Jezreeli, Jokdeamu, Zanoa,

⁵⁷Kaini, Gibea, na Timna: yose ni mizi irandadu chiaimweri na mizi yaro mitini.

⁵⁸Korekoghe na Halhuli, Beth-zuri, Gedori,

⁵⁹Maarothi, Beth-anothi, na Elitekoni: yose ni mizi irandadu, chiaimweri na mizi yaro mitini.

⁶⁰Korekoghe na Kiriath-baal (nigho Kiriath-jearimu) na Raba: yose ni mizi iwi chiaimweri na mizi yawo mitini.

⁶¹Noko cha kireti korekoghe na Beth-araba, Midini, Sekaka,

⁶²Nibshani, Muzi ghwa Chumbi, na En-gedi: yose ni mizi irandadu, chiaimweri na mizi yaro mitini.

⁶³Ela wandu wa Juda ndeweredimieghe kuwiwinga Wajebusi awo werekoghe andenyi ya Jerusalemu, kwa huwo Wajebusi wekwanye na Wajuda hata linu.