Read TAITA BIBLE – Biblia Ilagho Jiboie Kwa Wandu Wose JAKOBO 5 Bible Online

JAKOBO 5 - TAITA BIBLE – Biblia Ilagho Jiboie Kwa Wandu Wose bible

JAKOBO 5

¹Idana inyo wazuri wa mali, lilenyi na kukema mchungu kwa wundu ghwa bugha rimcheagha.

²Mali renyu rawoa, na nguwo renyu rajighwa ni soya.

³Dhahabu na feza renyu rawadwa ni ngama, na ngama yaro ichakaia wushuhuda aighu yenyu, nayo ichaja nyama renyu sa modo. Mwakuwikia mmbeni mali kwa wundu ghwa matuku gha kutua.

⁴Olenyi mafungu gha wadumiki wimlimie mbuwa, nenyo mwaghilegherie kwa mikalo, ghaawuyakema; na kililo cha awo wikuwidire, chasikirika kwa Bwana wa majeshi.

⁵Mwaawuyakaia ndoenyi mkibonya maseko na kuboilwa; mwarilisha ngolo renyu kwa wundu ghwa ituku ja kubwaghwa.

⁶Mwatanya na kum'bwagha mundu wa hachi, nao ndetangalanagha nenyo anduangi.

⁷Kwa huwu wanidu, rumaghienyi hata Bwana uche. Zighanenyi angu mlimi wadawesera mavalo gha ndoe gha zoghori mbaa, ukirumaghia, hata ghipate vua ya imbiri na ya nyuma.

⁸Nenyo wori rumaghienyi, mmangishe ngolo renyu; angu kucha kwa Bwana koko kaavui.

⁹Msakezughunukiana mmbeni na mmbeni wanidu, mchetanywa. Olenyi Mtanyi oko kimusi minyangonyi.

¹⁰Wanidu wadenyi mfwano ghwa walodi, awo werekoghe wikighora kwa irina ja Bwana, ghukaie fwana ya matiriro na kurumaghia konyu.

¹¹Ola isi dadawiwanga warasimilwa; kwa kukaia ni wandu werekoghe na irumaghio. Mwasikire malagho gha irumaghio ja Ayubu, nenyo mwawonie kutua kwa mpango ghwa Bwana aighu yake, na seji Bwana uko wa ishima na wughoma.

¹²Ela aighu ya ghose wanidu, msakeghema; msegheme kwa mlungunyi, hata kwa ndoenyi, angu kwa kindo icho chose chingi kizima. Ela hee yenyu ndeikaie hee, na hata ikaie hata, msechepata kutanywa.

¹³Wele mndungi wawuyatiririka aghadi konyu? Ndelombe kwa Mlungu. Mndungi oko na kuboilwa? Ndebore makaso.

¹⁴Mndungi oko mkongo aghadi konyu? Ndewiwange waghosi wa ikanisa, wipate kumlombia kwa Mlungu na kumshinga mavuda kwa irina ja Bwana.

¹⁵Ilombi ja irumirio jichamkira uo mkongo, na Bwana uchammbusira; na ngera wabonyere kaung'a, uchafuilwa wughoma.

¹⁶Kwa huwo rumirianenyi kaung'a renyu mmbeni na mmbeni, na kulombiana; mlombiane, mpate kuboiswa. Malombi gha mundu wa hachi ghabonyagha kazi kwa ndighi nyingi.

¹⁷Elija orekoghe mdamu sa isi diweni, nao ukalomba kwa kufunga ndighi vua isenye, na vua ndeerenyieghe ndoenyi kwa miaka idadu na meri irandadu.

¹⁸Nao ukalomba sena, vua ikanya, na ndoe ikava mavalo gharo.

¹⁹Wanidu, ngera mndungi aghadi konyu waisigha ija loli, na mndumu ummbunje,

²⁰ndemanye kukaia, mundu uo ose ummbunjagha mkaung'a ujisighe ikosa jake, uchamkira uo mkaung'a na kifwa, na kurifinikira kaung'a nyingi.