Read Tabaa Zapotec Salmos 10 Bible Online

Salmos 10 - Tabaa Zapotec bible

Salmos 10

¹¿Bizr chee̱ na' zu' zitu', Xran?¿Bizr chee̱ na' dxucache cuinu' gate dxeledé xel-la' zi' bénneache chiu'?

²Benne' we̱n da cale̱la dxenáu zi' xuzre̱' benne' xache'lu xel-la' dxucá'ana szren cuine̱',na' xeajchaze benne' xache' na' lu da ba nucuéza bénnea'.

³Dxucá'ana szren cuine̱' ca naca da dxezá lazre̱'.Nupé̱'e̱ dizra' da dxenné̱' chee̱ benne' dxucude',na' dxucá'ana dítaje̱' Xránadxu Dios.

⁴Benne' we̱n da cale̱la na' lu xel-la' dxucá'ana szren cuine̱' quebe dxape' Dios ba lá'ana,ne quebe dxéquene̱' che zua Dios.

⁵Tu dxúnzqueze̱' da cale̱la,ne quebe dxéquene̱' guchi'u Lue' ca da dxune̱'.Dxuzúe̱' chalá'ala xúgute̱ benne' dxeledábague̱' le̱'.

⁶Lu xichaj lázrdawe̱' dxenné̱': “Quebe bi seque' guzaga na neda'.Cabata' bi gaca chia' da cale̱la.”

⁷Tu dxenné̱zqueze̱' dizra' schanni',ne da we̱n lazre', ne ca naca da cale̱la da gune̱'.Dxeledxúaj dxu'e̱ dizra' cale̱la, ne dizra' xálaze.

⁸Dxu'a xe̱zre ca' dxucache cuine̱' chee̱ que̱le̱' bénneache.Bagácheze dxutie̱' benne' dxeledeze̱' na'.Bagácheze dxenné̱'e̱ chee̱ bi gune̱' chee̱ benne' xache' ca'.

⁹Bagácheze dxebeze̱' ca dxun be̱zre xixre'.Dxebeze̱' ga séquene̱' que̱l-le̱' benne' xache' ca'.Dxe̱l-le̱' benne' xache' lu xralaj chee̱', ne dxexu'e̱ le̱'.

¹⁰Dxine̱' xu bénnea' gude̱l-le̱'.Dxusaca zie̱' benne' zan nen ne̱'e̱ wal-la.

¹¹Lu xichaj lázrdawe̱' dxenné̱': “Nal-la lazre' Dios benne' caní.Nucache lawe̱', ne quebe lé'ene̱' da dxuna'.”

¹²Guxasa, Xrana' Dios, ne bze̱ na'u.Quebe gal-la lazru'u benne' xache' ca'.

¹³¿Ájazra che̱n' benne' ca' dxelune̱' da cale̱la dxuluzúe̱' Dios chalá'ala?Lu xichaj lázrdawe̱' dxelenné̱': “Quebe xebéaj lazre' Dios.”

¹⁴Dios, Lue' blé'equeznu' da nigá,lawe' da dxenná'u benne' we̱n da cale̱la,ne da ca' dxune̱' quebe naca na xrlátaje,na' xebéaj lázrequezu' bénnea'.Dxuluzúa cuina benne' xache' ca' lu na'u.Lue' dxácale̱quezu' bi we̱zé̱bedu ca'.

¹⁵Dxugú' xel-la' wal-la chee̱ benne' we̱n da cale̱la.Guleaj láwela da cale̱la da nune̱', da na' be̱ne̱' lu da bagache'.

¹⁶Chadía chacanna naca Xránadxu Wenná Bea chee̱dxu.Lu xe̱zr la xu chee̱' ba gulebía xi' benne' dxelecuídene̱' Le̱'.

¹⁷Bnézruju' ca da bululáwizra benne' dxexruj lázre'du ca' Lue', Xran.Lue' dxupa'u lázxdau bénne'du ca' chee̱ xuluzé̱ nague̱' xrtizru',

¹⁸chee̱ guchi'u chee̱ bi we̱zé̱bedu ca',ne chee̱ benne' dxeledée̱' xel-la' zi',chee̱ québedxa bi da cale̱la xelún benne' ca'dxelune̱' da cale̱la chee̱ bénne'du caní.