Read Tabaa Zapotec Salmos 101 Bible Online

Salmos 101 - Tabaa Zapotec bible

Salmos 101

¹Tu gúl-lazqueza' ca naca xel-la' zri'i lazre', ne xel-la' li lazre' chiu'.Tu gúl-lazqueza' chiu' Lue', Xrana' Dios.

²Dxaca lazra' guna' da naca li lazre'.¿Bátala xidu' gácale̱nu' neda'?Guna' da naca du lazre', ne cá'anqueze guna' caní lu xu'u lizra'.

³Québequeze cu'u lazra' guna' tu da zrinnaj.Dxecuídeda' da dxelún benne' ca' dxelebéaj xíchaje̱' Dios.Québequeze gu'a lataj xelebigue̱' naga zua' neda'.

⁴Gucuasa' lu xichaj lázrdawa' da cale̱la,ne quebe cu'u lazra' chee̱ da cale̱la.

⁵Guzúa' chalá'ala benne' dxelenné̱' bagácheze chee̱ benne' xula.Quebe gu'a lataj súale̱ neda' tu benne' dxucá'ana szren cuine̱', u naque̱' benne' wenná be'e.

⁶Le'eda' chawe' benne' ca' zaj naque̱' li lazre' lau Dios, chee̱ xelezré̱'e̱ lawa' neda'.Tuze benne' ca' zaj naque̱' du lazre' xelune̱' zrin chia'.

⁷Quebe gu'a lataj benne' wecache lan chu'e̱ lizra'.Quebe gu'a lataj tu benne' we̱n lazre' xegá'ane̱' naga zua'.

⁸Tu zra tu zra guzría xi'a benne' ca' dxelune̱' da cale̱la,benne' ca' zaj zre̱'e̱ lu xe̱zr la xu chia'.Gucuasa' xúgute̱ benne' ca' dxelune̱' da zrinnaj lu xe̱zre chee̱ Xránadxu Dios.