Read Tabaa Zapotec Salmos 102 Bible Online

Salmos 102 - Tabaa Zapotec bible

Salmos 102

¹Xrana' Dios, bene da dxenaba' lau',ne bze̱ naga da dxuláwizra' Lue'.

²Quebe gucache lau' lawa' neda', lawe' da lu da ste̱be zua'.Bze̱ naga neda', ne beché̱beche chia' gate dxuláwizra' Lue'.

³Naca xel-la' nabán chia' ca zren chee̱ xi' da dxexenítete̱.Xu'u da la lu zrita chia' ca tu xi' da dxálale̱'e̱ na.

⁴Dxedú lazra', ne naca lázrdawa' ca tu xixre' da dxecuade,na' québedxa dxenná na gudagu xeta.

⁵Lawe' da dxebezre wé̱'le̱'a ba nazrítale̱'a.

⁶Naca' ca tu situgún dxedaba' tu lu xe̱zr la xu bizre,ne ca tu bzriu zríaba' lawe' tu xu'u ze la'a.

⁷Dxíchaja' bchigala, ne naca' ca tu bxinne zríaba' túzeba' xrgu'u sibe.

⁸Tu zra tu zra tu dxulucháchale̱zqueze benne' dxeledábague̱' neda'.Benne' ca' dxelecuídene̱' neda' dxuluchínene̱' la' neda' gate nu benne' dxelegú'e̱ de'.

⁹Lu waláz chee̱ xeta dxawa' de,na' nisa dxebezra' dxechixre na da dxé'aja'.

¹⁰Caní dxaca chia' lawe' da dxezra'u neda', ne dxecuídenu' neda'.Guca'u neda', na' gudxú'unu' neda'.

¹¹Naca xel-la' nabán chia' ca tu zrul-la da dxedeze,na' naca' ca tu xixre' da ba nabizre.

¹²Lue', Xrana' Dios, tu chí'izqueze zu',na' cheajlesá lazre' xúgute̱ cuen bénneache Lau'.

¹³Chasu', ne xexache lazru' benne' zaj zre̱'e̱ xe̱zre Sión,lawe' da ba bzrin zra xexache lazru' benne' ca'.

¹⁴Netu', we̱n zrin chiu', nazrí'intu' xiaj ca' chee̱ xe̱zre na'.Dxéquentu' zi' lawe' da ba nabía xi na.

¹⁵Nadxa benne' xe̱zr la xu ca' xelezrebe̱' lau Lue', Xran.Xelezrebe xúgute̱ benne' wenná bea chee̱ xe̱zr la xu nigá da xabáa chiu',

¹⁶gate ba bechisu' xe̱zre Sión, Xran,ne xelelé'equezne̱' ca naca da xabáa chee̱ na,

¹⁷gate na' guzé̱ nagu' da dxelenaba benne' ca' guleaj xíchaju',ne québedxa guzú' chalá'ala da dxelata' xuene̱' Lue'.

¹⁸Xuaj da nigá chee̱ xululaba benne' ca' za zá'aca,na' benne' ca' za xelalaj xelúe lá'ane̱' Xránadxu Dios.

¹⁹Naga zua Xránadxu xabáa gunné̱'e̱.Naga zue̱' xabáa blé'ene̱' lu xe̱zr la xu nigá.

²⁰Dxelé'ene̱' benne̱' dxelebezre xache', benne' zaj xu'e̱ lizre xia,na' gusane̱' benne' ca' ba zaj nachugue̱' chee̱' xelatie̱'.

²¹Xuluzenne̱' benne' zaj zre̱'e̱ xe̱zre Sión ca szren naca La Xránadxu Dios,chee̱ xelúe lá'ane̱' Le̱' lu xe̱zre Jerusalén,

²²gate xelezraga bénneache chee̱ xúgute̱ xe̱zre, ne xúgute̱ cue' xe̱zr la xuchee̱ xulucá'ana szrene̱' Xránadxu Dios.

²³Xránadxu Dios be̱ne̱' gute ni'a na'a gate ne naca' cuide'.Xeláteze ca be̱tie̱' neda'.

²⁴Nadxa gunnía': Dios chia', quebe gutiu' neda', gate quebe ne gué̱xrua'.Lue' tu chí'izqueze zu'.

²⁵Nédxudaute̱ Lue' bzu' xe̱zr la xu nigá, na' nen na'u be̱nu' xabáa.

²⁶Xelebía xi' da ca', san tu zúazquezu' Lue'.Welexru xúgute̱ da ca' ca tu ladxe'.Ca dxuchadxu zra lánadxu tuzruj, ca' gucha'u da ca', na' xucúbeu' na.

²⁷Túzqueze ca nacu' Lue',ne québequeze te chiu' Lue'.

²⁸Zrí'inentu' netu', we̱n zrin chiu', xelezrabe' chawe',na' guzé̱ chúchuquezu' zri'ine zre súantu' lau Lue'.