Read Tabaa Zapotec Salmos 111 Bible Online

Salmos 111 - Tabaa Zapotec bible

Salmos 111

¹Dute̱ lázrdawa' güe lá'ana' Xránadxu Dios tu zren nen benne' xrlátaje ca', benne' zaj nazrague̱' lau Le̱'.

²Da zrente̱ zaj naca da ca' nun Xránadxu Dios,na' xúgute̱ benne' ca' dxelezaca ba lázrele̱ne̱' da nune̱', ne dxelaca lazre̱' xelelé'ene̱' na.

³Da xabáa, ne da xrtante̱ zaj naca da dxune̱' Le̱',ne tu chí'izqueze zua da xrlátaje chee̱'.

⁴Dxune̱' dxeajsá lázredxu ca naca xel-la' waca zrente̱ da dxune̱'.Xránadxu Dios naque̱' zren lazre', ne dxexache lazre̱' bénneache.

⁵Dxugawe̱' benne' ca' dxelezrebe̱' Le̱'.Tu chí'izqueze dxeajsá lazre̱' xel-la' wezría da nune̱'.

⁶Blé'ene̱' bénneache chee̱' ca' ca naca xel-la' waca chee̱ da ca' be̱ne̱'.Dxunézruje̱' benne' chee̱' ca' da zaj napa benne' xezica xe̱zr la xu ca'.

⁷Li lazre', ne xrlátaje zaj naca da ca' dxune̱'.Li lazre' zaj naca xúgute̱ da bdxixruj be̱'e̱.

⁸Tu chí'izqueze, ne chadía chacanna zaj zua da ca' bdxíxruje̱'.Lu da li, ne lu da li lazre' nune̱' ca zaj naca na.

⁹Gusel-le̱' tu benne' weselá chee̱ guselé̱' bénneache chee̱'.Tu chí'izqueze nadxixruj be'e̱ xel-la' wezría chee̱'.Lá'azxa, ne tu da zrébedxu naca La Le̱'.

¹⁰Chee̱ su laudxu gácadxu sina, dxun na ba xen zrébedxu Xránadxu Dios.Dxeléajni'i xanne' xúgute̱ benne' ca' dxelune̱' ca zaj naca da nadxíxruje̱'.Tu chí'izqueze dxal-la' güe lá'anadxu Le̱'.